Pradstaŭnik ABSIE pa pytańniach ŚMI Duńja Mijatavič zaniepakojena naciskam z boku ŭład Biełarusi na miascovych i zamiežnych žurnalistaŭ. Pra heta havorycca ŭ liście, jaki Mijatavič nakiravała ministru zamiežnych spraŭ Biełarusi Siarhieju Martynavu, paviedamiła pres-słužba ABSIE.

«Ułady praciahvajuć zapałochvać i pieraśledavać niezaležnyja ŚMI. Heta niebiaśpiečnaja tendencyja, jakaja pačałasia paśla prezidenckich vybaraŭ 19 śniežnia 2010 hoda, dasiahnuła svajoj krytyčnaj kropki. Hetyja dziejańni niedapuščalna parušajuć abaviazacielstvy Biełarusi ŭ miežach ABSIE», — padkreśliła Mijatavič.

U svaim liście jana pieraličyła vypadki, kali žurnalisty i ŚMI ŭ Biełarusi zaznavali pieraśled, asabliva padkreśliŭšy, što surjozna zaniepakojena «kryminalnym pieraśledam žurnalistaŭ Iryny Chalip i Natalli Radzinaj».

Mijatavič taksama nahadała Martynavu pra admovy Vyšejšaha haspadarčaha suda ŭ zadavalnieńni iskaŭ «Aŭtaradyjo» i haziety «Narodnaja vola», jakija sprabavali apratestavać vyniesienyja Ministerstvam infarmacyi papiaredžańni.

Akramia taho, jana vykazała zaniepakojenaść vypadkami aryštaŭ biełaruskich žurnalistaŭ Alesia Asipcova i Uładzimira Łapceviča, a taksama rasijanina Alaksandra Łašmankina.

Mijatavič taksama zaniepakojena pieraśledam karespandenta polskaj «Haziety vyborčaj» u Biełarusi Andreja Pačobuta.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?