Pakul aktyvist «Maładoha frontu» Ivan Šyła z Salihorska siadzieŭ na sutkach na Akreścina za praviadzieńnie pikietu ŭ padtrymku svaich paplečnikaŭ – palitviaźniaŭ Źmitra Daškieviča i Eduarda Łobava, jahony stryječny brat paŭdzielničaŭ u zapisie zvarotu BRSM da mižnarodnaj supolnaści.

Ivan Šyła na vychadzie z turmy.

Ivan Šyła na vychadzie z turmy.

U paniadziełak Ivan Šyła vyjšaŭ z Akreścina i byŭ vielmi ździŭleny, kali daviedaŭsia pra toje, što jaho stryječny brat Maksim Kaścian, student piataha kursa Instytuta parłamientaryzmu i pradprymalnictva, uziaŭ udzieł u zdymkach rolika BRSM — «adkrytaha videazvarotu da hramadskich i palityčnych dziejačaŭ u suviazi ź mižnarodnaj situacyjaj».

Zvarot byŭ raźmieščany na papularnym servisie YouTube. U zvarocie, apublikavanym taksama na aficyjnym sajcie junych prychilnikaŭ Łukašenki, havorycca, što

«na praciahu apošnich čatyroch miesiacaŭ naša kraina stała achviaraj biesprecedentnaj pa svajoj intensiŭnaści i cyničnaści kampanii chłuśni, paklopu, šantažu, palityčnaha, dypłamatyčnaha i ekanamičnaha cisku». Mienavita hety słovy pramaŭlaje ŭ kamieru stryječny brat Ivana Šyły (druhi na videa).

— Ja byŭ ździŭleny, kali pra heta daviedaŭsia, — skazaŭ Ivan Šyła. — Pakul ja siadzieŭ na sutkach, maje rodnyja bačylisia z Maksimam na paminkach pa dziedu, ale toj ničoha nie skazaŭ pra zdymki ŭ roliku BRSM. Pa praŭdzie, my ź im nikoli nie siabravali i redka bačylisia. Mnie cikava, jak buduć apraŭdvacca hetyja ludzi praź dziesiać, dvaccać hod. Bo ŭłada kaliści źmienicca. Jak było ŭ postaviecki čas, kali ludzi, jakija vieryli ŭ sacyjalizm z čałaviečym tvaram, siarod jakich byli i piśmieńniki, i mastaki, narešcie zrazumieli, čym byli ich ideały. Mnohija tady pakajalisia. Ja dumaju, što ŭ adroźnieńnie ad ich, BRSM-aŭcy – prystasavancy. I mnie ich škada.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?