Ad 1 vieraśnia ŭ polskim Hdańsku pačnie pracu biełaruskamoŭny licej. Vykładać u im buduć tyja, chto raniej pracavaŭ u Humanitarnym licei imia Jakuba Kołasa.

Hetaja navučalnaja ŭstanova była pazbaŭlenaja rehistracyi ŭ 2003 hodzie. I z hetaha času isnuje na paŭlehalnym stanoviščy. Dzieci zajmajucca jak u Biełarusi, tak i vyjazdžajuć na siesii za miažu. Aficyjna ličycca, što jany znachodziacca na chatnim navučańni. U vypusknych kłasach dzieci zdavali ŭsie pradmiety eksternam.

Z 1 vieraśnia hetaha hoda ŭstupić u siłu novy adukacyjny kodeks. U adpaviednaści ź im, ciapier dazvoł na chatniuju adukacyju dla dziciaci baćki musiać atrymlivać u dyrektara najbližejšaj škoły. Raniej u Biełarusi, jak i va ŭsim śviecie, heta vyrašali sami baćki.

Vykładčyki zaniepakojenyja tym, što bližejšym časam na chatniuju adukacyju mohuć nakładzienyja abmiežavańni. I z hetaj nahody adbyvajecca rehistracyja hdańskaj navučalnaj ustanovy.

Ci aznačaje adkryćcio hdańskaha liceja zakryćcio minskaha? Namieśnik dyrektara Liceja Lavon Barščeŭski kaža: «Ni ŭ jakim vypadku. Biełaruski praciahnie svaju dziejnaść. Našych vykładčykaŭ prosta paprasili dapamahčy z pracaj Liceja ŭ Hdańsku. Faktyčna, jany buduć pracavać vachtavym mietadam».

Pavodle polskaha zakanadaŭstva, u škole na terytoryi Polščy mohuć vučycca dzieci ź luboj krainy śvietu, aby im było dzie žyć i što jeści.

«Kołasaŭcy» i raniej vyjazdžali na vučobu ŭ Hdańsk. Adzinaje, što ciapier dzieci zmohuć atrymlivać polskija atestaty
ab siaredniaj adukacyi. Heta nie pieraškodzić praciahnuć adukacyju na radzimie: pavodle miždziaržaŭnych pahadnieńniaŭ,
u biełaruskuju VNU z polskim atestatam pastupać možna.

Humanitarny licej imia Jakuba Kołasa — vydatnaja ŭstanova siaredniaj adukacyi.

Spačatku ekśpierymientalnaja, a paśla ŭzornaja, jana davała bliskučyja viedy svaim navučencam. Siarod vykładčykaŭ byli vybitnyja asoby. Dziejničaŭ całkam na biełaruskaj movie. Byŭ likvidavany Łukašenkam, paśla dakładu KDB pra toje, što vialiki pracent vučniaŭ biare ŭdzieł u apazicyjnych demanstracyjach. Praciahnuŭ dziejnaść u napaŭpadpolli.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?