Jak paviedamlaje HUUS Minharvykankama, padazravany ŭ abrabavańni minskaha CUMa zatrymany pa haračych śladach i źmieščany ŭ izalatar časovaha ŭtrymańnia. Škoda, naniesienaja CUMu, raŭniajecca 36 młn rublam (kančatkovaja suma vyśviatlajecca).

Pa fakcie kradziažu adździełam papiaredniaha rasśledavańnia Savieckaha RUUS zaviedziena kryminalnaja sprava pa častcy 4 art. 205 KK (kradziož u asabliva bujnym pamiery). U intaresach śledstva detali złačynstva nie abnarodujucca

***

U noč z 2 na 3 krasavika byŭ ździejśnieny kradziož z Centralnaha univiersalnaha mahazina na praśpiekcie Niezaležnaści ŭ Minsku. Pra heta paviedamiła prahrama «Zona Ch» Pieršaha nacyjanalnaha telekanała.

Pavodle infarmacyi prahramy, siarod vykradzienaha ŭ CUMie — darahaja optyka, fotaaparaty, srebranyja vyraby, a taksama niekatoraja suma hrošaj z kasaŭ. Ahulnaja suma škody vyśviatlajecca.

Aficyjnaj infarmacyi nakont hetaha złačynstva pakul niama, piša BiełaPAN.

Pra toje, što abrabavany CUM, paviedamiła ŭ niadzielu internet-vydańnie Salidarnaść.

Učora CUM byŭ začynieny da 16:00. Na dźviarach visieła šylda: «Začyniena z techničnych pryčynaŭ». Administracyja univiermaha admaŭlałasia ad kamientaroŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?