Aktyvist Jarasłaŭ Biernikovič atrymaŭ z Hłybockaha rajvykankamu dazvoł na praviadzieńnie akcyi 19 sakavika.Na Viciebščynie heta adziny za apošnija try miesiacy stanoŭčy adkaz miascovych uładaŭ, da jakich z padobnymi prapanovami apazicyjaniery źviartalisia ŭžo nie mienš jak dziasiatak razoŭ.
Pavodle piśmovaha adkazu z Hłybockaha rajvykankamu, spadaru Biernikoviču
dazvolena pravieści akcyju salidarnaści z palitviaźniami, źniavolenymi paśla minskich padziej 19 śniežnia, na placoŭcy kala rajonnaha Doma kultury -- hetaje miesca aficyjna vyznačana ŭładami dla praviadzieńnia hramadskich imprezaŭ. Akcyja projdzie 19 sakavika z 11 da 14 hadziny.
Aktyvist padkreślivaje, što prykładna za piać apošnich hadoŭ jon upieršyniu atrymaŭ dazvoł z rajvykankamu na praviadzieńnie akcyi “apazicyjnaha” źmiestu.
Zajaŭki na akcyi salidarnaści z palitviaźniami SIZA KDB paśla padziejaŭ 19-ha śniežnia padavali taksama aktyvisty ź Viciebska, Połacka i Navapołacka. Ale miascovyja rajonnyja administracyi i harvykankamy zaŭždy davali admoŭnyja adkazy pa roznych pryčynach.
Adnu z takich admovaŭ połacki aktyvist Viktar Kaleśnik ciapier abskardžvaje ŭ sudzie Połacku i Połackaha rajonu.
