12.03.2011
/ 14:02 / Ałharytmičny łacinski varyjant
Rasiejski navukoviec: vybuch u Fukusimie nie padobny da Čarnobyla, vialikaj katastrofy nie budzie
«Heta nie chutkaja reakcyja typu čarnobylskaj, kali babachnuła, a potym paŭstaŭ pažar. Heta bolš padobna da avaryi na Trymajł-Ajłend».
Toje, što adbyvajecca na japonskaj atamnaj stancyi «Fukusima-1», nie padobna na toje, što adbyvałasia ŭ Čarnobyli. U hetym upeŭnieny pieršy namieśnik dyrektara rasijskaha jadziernaha daśledčaha centra «Kurčataŭski instytut» Jarasłaŭ Štrombach.
«Heta nie padobna na Čarnobyl, — skazaŭ jon u intervju ITAR-TASS. — I reakcyi typu čarnobylskaj tam nie moža być». Pavodle jaho słoŭ, toje, što adbyvajecca na AES u Japonii, źviazana z razahravańniem reaktara z pryčyny błekaŭta — poŭnaj straty elektrazabieśpiačeńnia — i źnižeńniem ŭzroŭniu vady ŭ achaładžalnych konturach.
«Heta bolš padobna da avaryi na Trymajł-Ajłend u ZŠA», — adznačyŭ Štrombach.
Na AES «Fukusima-1» vykarystoŭvajucca reaktary typu BWR: tak zvanyja reaktary kipiačaj vady.
«U vyniku reaktar pačaŭ razahravacca, — nahadaŭ Štrombach. — Ale heta nie chutkaja reakcyja typu čarnobylskaj, kali babachnuła, a potym paŭstaŭ pažar. Tut klučavoje značeńnie majuć reštki enierhovydzialeńnia».
«Heta niepryjemnaja reč, — dadaŭ jon, — ale, dumaju, usio abmiažujecca miežami placoŭki, i vialiki katastrofy nie zdarycca».
SH
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
