Mižnarodny valutny fond zaklikaje ŭłady pajści na radykalnyja kroki ŭ ekanomicy.
Mižnarodny valutny fond (MVF) namiaknuŭ biełaruskim uładam, što ŭ finansach krainy raźvivajucca niebiaśpiečnyja tendencyi. Tak možna zrazumieć novy dakład MVF ab ekanamičnaj situacyi ŭ Biełarusi.
Heta acenka makraekanamičnaj palityki za minuły hod i rekamiendacyi na budučyniu», — skazała stałaja pradstaŭnica MVF u Biełarusi Natalla Kaladzina.«Meta dakłada — nie skazać, što vielmi chutka ŭsio budzie vielmi drenna.
Pavodle jaje słoŭ, «biez uzmacnieńnia žorstkaści makraekanamičnaj palityki stabilizacyja rachunku biahučych apieracyj niemahčymaja», cytuje jaje Interfax.by.
«Kali heta budzie adkładziena, to bolš značnyja miery daviadziecca ažyćciaŭlać u bolš karotki termin», — miarkuje jana.
«U dziaržaŭnaj ułasnaści majucca značnyja aktyvy i, kali ŭrad paskoryć praces ich pryvatyzacyi, to ŭłady atrymajuć dadatkovy čas na praviadzieńnie karekciroŭki makraekanamičnaj palityki. Ja nie čakaju defołtu ŭ karotkaterminovaj pierśpiektyvie», — skazała Kaladzina.
Biełaruskija ŭłady nie źviartalisia pa novyja kredyty MVF. Adnak jany ŭličvajuć rekamiendacyi Fondu. U pryvatnaści, było pryniataje terminovaje rašeńnie ab roście staŭki refinansavańnia na 1,5%.Heta maje astudzić ekanomiku i zacuhlać inflacyju.
Akramia taho, kurs rubla da valutnaha košyka ŭpaŭ na 5% ad pačatku hoda.
Miarkujecca, što kurs rubla moža źnizicca jašče na 3% u bližejšyja tydni.
Adnak zastajecca pytańniem, ci dosyć hetych krokaŭ dla zbałansavańnia finansaŭ dziaržavy. Apošnija hady kraina žyła nie pa srodkach, a deficyt kampiensavała zamiežnymi kredytami. Ahulny abjom zamiežnaj zapazyčanaści na siońnia dasiahnuŭ prykładna 50% ad vałavoha ŭnutranaha pradukta.
Za 2007–2010 hady zamiežny doŭh vyras z 6 miljardaŭ dalaraŭ da 28,5!
MVF rekamienduje dla vypraŭleńnia situacyi devalvavać rubiel abo pryvatyzavać bolš pradpryjemstvaŭ. Biełaruskija ŭłady pakul addajuć pieravahu administratyŭnamu abmiežavańniu impartu. Dla apošniaha jany ŭskładnili zakup pradpryjemstvami valuty na biržy.
