Kancert hurtu «Lapis Trubiackoj» u Homieli, jaki byŭ pryznačany na 13 sakavika i admienieny, možna było pravodzić, niahledziačy na niedapracoŭki pa pažarnaj biaśpiecy manieža «Dynama», miarkujuć u MNS.

Jak paviedamiŭ BiełaPAN pres-sakratar Homielskaha abłasnoha ŭpraŭleńnia MNS Rusłan Habryloŭ, z 2009 hoda, paśla zaviaršeńnia rekanstrukcyi manieža, jaho kiraŭnictva nie moža likvidavać niedapracoŭki ŭ sistemie pažaratušeńnia budynka. Tym nie mienš vystavy-prodažy i inšyja masavyja mierapryjemstvy ŭ maniežy rehularna pravodziacca.

«Prablema vyrašajecca kampiensavalnymi mierapryjemstvami: kala budynka časova dziažuryć aŭtacysterna i pažarny inśpiektar. Heta minimalnyja zatraty. U vypadku z kancertam „Lapisa Trubiackoha“ MNS taksama dało b zhodu na praviadzieńnie kancerta, kali b kiraŭnictva manieža praviało hetyja nieskładanyja kampiensavalnyja mierapryjemstvy. Napeŭna, jość pryčyny, čamu zrabić heta nie zachacieli», — prakamientavaŭ pres-sakratar.

Raniej BiełaPAN paviedamlaŭ sa spasyłkaj na pres-ataše tvorčaha abjadnańnia «Dzieci Sonca» Dźmitryja Bieskaravajnaha ab tym, što na kancert hurtu «Lapis Trubiackoj» u Homieli było pradadziena zvyš 1.300 biletaŭ. Z-za admovy manieža ŭ arendzie pamiaškańnia kancert byŭ sarvany, bo ŭ abłasnym centry niama placoŭki, jakaja moža pryniać takuju kolkaść ludziej.

U Homiel hurt «Lapis Trubiackoj» płanavaŭ pryjechać padčas hastrolnaha tura ŭ padtrymku novaha alboma «Viasiołyja karcinki». Admiena kancerta supała z čutkami ab źjaŭleńni čornych śpisaŭ dziejačaŭ kultury, u jakija nibyta ŭklučany hurt.

Najbližejšy kancert u Biełarusi «Lapisa Trubiackoha» pavinien adbycca ŭ Mahilovie 20 sakavika.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?