Pradstaŭniki intelihiencyia taksama žurnalisty, inžyniery, jurysty nie tolki ź Pieciarburha, ale i ź inšych haradoŭ Rasii.Sankt-Pieciarburha skłali adkryty list da mižnarodnaj supolnaści z nahody paślavybarčych represij u Biełarusi. Da zvarotu dałučylisia piśmieńnik Barys Struhacki,rok-muzyka Vadzim Kuryloŭ, historyk Siarhiej Bialecki,
Inicyjataraŭ lista zakranuła toje, što «raznastajnyja imitacyjnyja hramadskija struktury» majuć nachabstva vystupać ad imia «rasijskaj intelihiencyi» ŭ padtrymku režymu Łukašenki.
«My, pieciarburžcy — pradstaŭniki navuki, kultury, mastactva, jurysprudencyi, žurnalistyki — nie možam zastacca ŭbaku ad taho, što adbyvajecca. My dałučajem svaje hałasy da pratestu ŭsich sumlennych ludziej u Jeŭropie, ZŠA, va ŭsim śviecie. My vysoka aceńvajem učynak jeŭrapiejskich dypłamataŭ i kiraŭnikoŭ dziaržaŭ, jakija nie pažadali brać udzieł u haniebnaj „inaŭhuracyi“ Alaksandra Łukašenki», — adznačajecca ŭ liście, skiravanym u struktury ES u Brusel.
Pieciarburžcy zaklikajuć palitykaŭ, dypłamataŭ, žurnalistaŭ, prosta nieabyjakavych ludziej usiaho śvietu nie zastavacca ŭbaku ad «trahiedyi, što adbyvajecca praktyčna ŭ samym centry Jeŭropy», usimi dastupnymi srodkami dabivacca vyzvaleńnia aryštavanych, a taksama «uličyć niebiaśpieku, što sychodzić ad niepradkazalnaha i niekiravanaha dyktatara krainy, terytoryja jakoj źjaŭlajecca stratehičnym, u tym liku i vajskovym płacdarmam».
Ad ćviordaści pazicyi Jeŭropy i śvietu ŭ dačynieńni da biełaruskaha režyma zaležyć, ci paŭtoracca na postsavieckaj prastory stalinskija i nacystskija złačynstvy, adznačajecca ŭ liście.
Jak paviedamiła «NN» adna ź inicyjatarak stvareńnia zvarotu, žurnalistka Śviatłana Haŭrylina, podpisy pad list praciahvajuć dadavacca. Dałučycca da inicyjatyvy možna tut.
