Pra heta paviedamiŭ siońnia ŭ čas online kanfierencyi na sajcie BIEŁTA namieśnik načalnika ŭpraŭleńnia DAI MUS Biełarusi Maksim Padbiarozkin.
«My pačniem kiravacca praviłami ŭkazu № 454 praz tydzień, 6 kastryčnika, i ŭ dalejšym zakanadaŭstva budzie pieraviedziena ŭ adpaviednaść ź jaho patrabavańniami. Jakaść pry videafiksacyi davoli vysokaja, tamu budzie dobra raspaznavacca nie tolki numarny znak i marka aŭtamabila, ale i tvar kiroŭcy.
Paśla taho jak zdymak budzie apracavany i supracoŭniki DAI vyznačać ŭładalnika aŭtamabila, jamu budzie nakiravana razdrukoŭka vyjavy z ukazańniem času, miescy fiksacyi i samoha transpartnaha srodku «, — rastłumačyŭ Maksim Padbiarozkin.
Pavodle jaho słoŭ, paśla vyniasieńnia pastanovy ab pryciahnieńni da administracyjnaj adkaznaści papiera pavinna być nakiravana ŭłaśniku aŭtamabila. Kali vyśvietlicca, što ŭ momant parušeńnia praviłaŭ darožnaha ruchu ŭładalnik ź niejkich pryčynaŭ nie rasparadžaŭsia transpartnym srodkam, abo aŭtamabila ŭ jaho prosta nie było z pryčyny złačynnaha dziejańnia (naprykład, uhonu), zakonny ŭładalnik pavinien napisać zajavu, jakaja tyčyć taho, što ŭ momant pravaparušeńnia aŭtamabilem kiravaŭ nie jon. «Praces u dačynieńni da jaho budzie spynieny aŭtamatyčna i pačniecca ŭ dačynieńni da taho, chto sapraŭdy kiravaŭ transpartnym srodkam».
