Toj, chto zachoča pakinuć aŭtamabil u histaryčnym i dziełavym centry, pavinien zapłacić vysoki košt.
Da kanca 2013 hoda ŭ Centralnym rajonie stalicy buduć pabudavanyja dva novyja parkinhi. Košt hadziny parkoŭki ŭ ich budzie značna vyšejšym, čym u astatnich častkach horada.
Pra heta napiaredadni na sustrečy z žycharami rajonu paviedamiŭ staršynia Minharvykankama Mikałaj Ładućka. Pavodle jaho słovaŭ, užo ŭ 2011 hodzie pačniecca budaŭnictva parkinha na Kastryčnickaj płoščy. Dziakujučy novamu abjektu na 600–650
Razhladajecca mahčymaść budaŭnictva padziemnaha parkinha na 500 aŭtamabilaŭ u rajonie stadyjona «Dynama». Hetaja zadača taksama pavinna być vyrašanaja na praciahu troch hadoŭ.
«Toj, chto zachoča pakinuć aŭtamabil u histaryčnym i spravavym centry, budzie vymušany płacić dastatkova vysoki košt za 1 hadzinu parkoŭki. Cana pasłuhi kančatkova nie vyznačanaja, ale jana pavinna być, pa vopytu inšych dziaržaŭ, u siarednim u 10 razoŭ vyšejšaj za zvyčajnuju hadzinu parkoŭki. Heta budzie apraŭdana kamfortam kiroŭcaŭ», — padkreśliŭ staršynia Minharvykankama.
«U Centralnym rajonie siońnia niaprosta padabrać placoŭku, dzie možna było b raźmiaścić parkinh. Heta terytoryja vielmi ščylnaj zabudovy. Tamu tut varta šukać rašeńnie zadačy nie tolki ŭ budaŭnictvie parkinhaŭ, ale i ŭ pašyreńni prajezdaŭ, stvareńni parkovačnych miescaŭ na dvarovych terytoryjach», — rastłumačyŭ staršynia Mikałaj Ładućka.