Siońnia, 15 vieraśnia, sabranyja ŭ abaronu minskaha kaścioła sv. Jazepa podpisy, byli pieradadzienyja ŭ pasolstva Vatykana, parłamient i Administracyju prezidenta.

Usiaho padčas kampanii, jakaja doŭžyłasia try tydni, byli sabranyja 6,5 tys. podpisaŭ. Paŭtary tysiačy ź ich padadzieny praz kaścioł na Hrodzienščynie, tysiaču podpisaŭ ludzi z roznych haradoŭ samastojna dasyłali ŭ Administracyju prezidenta. Čatyry tysiačy podpisaŭ, sabranyja ŭ Minsku, centralizavana byli pieradadzienyja 15 vieraśnia ŭ Pasolstva Vatykana ŭ Minsku, parłamient i Administracyju prezidenta. «Heta admysłova robicca paśla pačatku prezidenckaj kampanii, — paviedamiŭ sustaršynia BCHD Pavieł Sieviaryniec. — Tolki padčas vybarčych kampanijaŭ u našaj krainie možna niešta vyrašyć, bo tady režym źviartaje ŭvahu na patrabavańni hramadskaści."

Podpisy, padadzienyja ŭ nuncyjaturu, pryniaŭ pasoł Vatykana Marcin Vidavič, u administracyi prezidenta — kiraŭnik adździeła pa stasunkach z hramadskaściu Piotr Katuškin, u pałatie pradstaŭnikoŭ — supracoŭnica adździeła pa zvarotach hramadzianaŭ Raisa Łabkoŭskaja.

Zaŭtra kala kaścioła sv. Jazepa adbudziecca akcyja salidarnaści. Z 16 vieraśnia akcyi ŭ abaronu chrama buduć adbyvacca štodnia, a 19-j, pakul nie budzie pryniata rašeńnie viarnuć kaścioł viernikam.

Arhanizatary zboru podpisaŭ zaznačajuć pra niedapuščalnaść źjaŭleńnia hatelnych zabavaŭ i kazino ŭ miescy malitvy.

Na siońniašni momant u byłym klaštary biernardyncaŭ 17 stahodździa płanujecca raźmieścić hatelny kompleks. Vierniki ryma-katalickaj parafii śviatoha Jazepa z 2005 hodu ładziać štodzionnyja viačernija malitvy za viartańnie budynku kaścioła viernikam. Inicyjatyvaju BCHD u žniŭni raspačaŭsia čarhovy zbor podpisaŭ u abaronu chrama.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?