Ułady abiacajuć ustalavać miemaryjalny znak paśla «Dažynak».

Prybliznaje miesca, dzie raniej znachodziłasia simvaličnaja mahiła. fota - lifelida.com

Prybliznaje miesca, dzie raniej znachodziłasia simvaličnaja mahiła. fota - lifelida.com

Simvaličnuju mahiłu ŭdzielnika paŭstańnia ksiandza Adama Falkoŭskaha źnieśli ŭ haradskim parku kultury i adpačynku Lidy. Pra heta paviedamiŭ sajt infarmacyjna-zabaŭlalnaha partała horada Lidy. Mahiła była paznačana nievialičkim kryžykam, i da jaje časta nasili kvietki. Nahadajem, Lida rychtujecca pryniać fiestyval «Dažynki», tamu centr horada aktyŭna ŭparadkoŭvajecca. Centralny park taksama zaznaŭ źmieny: haradskija słužby źmianili tut łandšaft i vybrukavali alei.

Lidski aktyvist, piśmieńnik i redaktar krajaznaŭčaha časopisa «Lidski letapis» Stanisłaŭ Sudnik ličyć, što pryčynaŭ dla hramadskaha abureńnia niama, pakolki miescaznachodžańnia mahiły — nie dakładnaje. A toje, što źnieśli budaŭniki alei niekalki dzion tamu, dadaje aktyvist, — adno simvaličnaje miesca.

— Siońnia paśla stolkich hadoŭ i pierabudovaŭ horada vielmi ciažka vyznačyć dakładnaje miesca mahiły, — kaža Stanisłaŭ Sudnik. — Kali b my viedali, što taja mahiła — dakładnaje miesca pachavańnia, my by naturalna vystupili suprać.

Sudnik paviedamiŭ, što ŭčora sustrakaŭsia z pradstaŭnikami miascovaha adździeła ideałohii. Tam jamu paabiacali, što naŭzboč alei ŭ chutkim časie źjavicca pamiatny kamień z nadpisam pra ksiandza. Sudnik całkam dapuskaje, što na tym kamiani taksama źjavicca hierb paŭstańnia, a kamień azdobiać dekaratyŭnym kustoŭjem.

— Tak, maleńki kryž, jaki stajaŭ tut raniej, źnieśli budaŭniki, ale amal adrazu, amal na tym samym miescy, naŭzboč novaj alei, my ŭstalavali inšy kryž, — dadaje Sudnik. – Samaje hałoŭnaje, kab u centralnym parku, niavažna na jakim miescy, źjaviŭsia miemaryjalny znak Falkoŭskamu.

Simvaličnaja mahiła Falkoŭskaha — pradmiet daŭniaj sprečki hramadskaści z uładaj. Niekalki razoŭ aktyvisty BNF dy inšych hramadskich ruchaŭ ustaloŭvali kryž na miescy mierkavanaha pachavańnia ksiandza-paŭstanca. Ułady toj kryž amal imhnienna znosili. U 2004 hodzie było dasiahnutaje pahadnieńnie pamiž uładaj i hramadskaściu ab ušanavańni pamiaci ŭdzielnikaŭ paŭstańnia i ksiandza Falkoŭskaha ŭ pryvatnaści, adnak aficyjny pomnik tak i nie byŭ ustalavany.

ks. Adam Falkoŭski. Probašč parafii Iščałna (ciapier Ščučynski rajon). Adzin ź siami ksiandzoŭ Lidčyny, pakaranych śmierciu za ŭdzieł u paŭstańni 1863 h. Da paŭstańnia ksiondz ačolvaŭ patryjatyčnaje Bractva Śviatoj Trojcy. Jaho najvialikšy vyčyn — začytvańnie z ambona manifiest paŭstańnia. Byŭ rasstralany carskaj uładaj, a jaho cieła było zalitaje vapnaj, kab nie zachavalisia pareštki. Kali miescy pachavańniaŭ inšych šaści ksiandzoŭ nieviadomaje, dyk miesca mahiły Falkoŭskaha bolš-mienš akreślena — jano ŭ centry Lidy, adnak histaryčnyja dakumienty padajuć vielmi prybliznyja aryjenciry mahiły.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?