U Ministerstvie sielskaj haspadarki i charčavańnia nie bačać nieabchodnaści ekspartavać hreckija krupy. Pra heta zajaviŭ namieśnik ministra Vasil Siedzin 13 vieraśnia na pres-kanfierencyi ŭ Minsku.

Pavodle jaho słoŭ, Biełaruś nikoli nie była eksparcioram hrečki, naadvarot, zaŭsiody jaje impartavała. Tak, u 2008 hodzie abjom impartu skłaŭ 15 tys. ton, u 2009-m — 20 tys. ton, za vosiem miesiacaŭ hetaha hoda — 4,7 tys. ton.

Siedzin paviedamiŭ, što Biełaruś płanuje impartavać sioleta prykładna 20–30 tys. ton pšanicy z pavyšanym utrymańniem klejkaviny dla vytvorčaści makaronnych vyrabaŭ. Adkul budzie impartavacca pšanica, budzie vyrašana na tendernaj asnovie.

Pavodle słoŭ namieśnika ministra, sioleta ŭpieršyniu sabrana 548 tys. ton charčovaj pšanicy najlepšaj jakaści. Tak, 70% pšanicy adniesiena da treciaha kłasa. «My majem mahčymaść amal na 100% zabiaśpiečyć pradpryjemstvy mukoj dla vytvorčaści makaronnych vyrabaŭ», — padkreśliŭ Siedzin.

Biełaruś sioleta hatova pastavić na ekspart da 50 tys. ton pšaničnaj muki, da 100 tys. tona žytniaj, da 15 tys. ton jačnych krup i prykładna 7–8 tys. ton aŭsianych. Na ekspart taksama pastaŭlajecca bolš za 50% małočnaj i bolš za 20% miasnoj pradukcyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?