Biazvažkaść razburalna ŭpłyvaje na zdaroŭje kasmanaŭtaŭ. Amierykanskija navukoŭcy vyśvietlili, što paŭhoda, praviedzienyja ŭ stanie biazvažkaści, pryvodziać da dehradacyi myšcaŭ kasmanaŭta. Čałaviek u kosmasie stareje vielmi chutka i chutka robicca amal takim ža starym, jak 80-hadovyja.

Myšcy kasmanaŭtaŭ mohuć adnaŭlacca za miesiac na Ziamli, adnak pry pryziamleńni na Marsie hetaja słabaść budzie razburalnaj, śćviardžajuć navukoŭcy z Univiersiteta Markiet u amierykanskim štacie Viskonsin.

Navukoŭcy praviali bijapsiju myšcaŭ dzieviaci siabram ekipaža MKS da i paśla palotu. Kožny z paddoślednych pravioŭ u kosmasie bolš za šeść miesiacaŭ. U vyniku byŭ vyjaŭleny razburalny ŭpłyŭ biazvažkaści na myšačny tonus kasmanaŭtaŭ. Da prykładu, pavolnyja matornyja adzinki ciahlic astranaŭtaŭ, jakija hrajuć klučavuju rolu ŭ padtrymańni raŭnavahi i pastavy, stracili prykładna 40% siły. U vyniku ich myšačny tonus akazaŭsia takim samym, jak kali b kasmanaŭty pastareli ŭ dva razy.

Pry hetym myšcy tych kasmanaŭtaŭ, chto aktyŭna zajmaŭsia sportam, paciarpieli značna macniej, čym niepadrychtavanych členaŭ ekipaža.
Viełatrenažor i biehavyja darožki, ustalavanyja ŭ MKS, nie dapamahli kasmanaŭtam.

Pry palocie na Mars — a takoje padarožža moža praciahnucca try hady — upłyŭ na zdaroŭje kasmanaŭtaŭ budzie razburalnym. Krychu padtrymać myšačny tonus mahčyma tolki pry bolš aktyŭnym charčavańni kasmanaŭtaŭ, ličać navukoŭcy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?