Dziaržaŭtainśpiekcyja Minska siońnia pačała apieracyju pa vyjaŭleńniu i spynieńniu parušeńniaŭ PDR siarod maršrutnych transpartnych srodkaŭ,paviedamili ŭ adździele pa ahitacyi i prapahandzie UDAI HUUS Minharvykankama.
Apieracyja pradoŭžycca da 1 vieraśnia. Jak adznačyli ŭ darožnaj milicyi, siarod asnoŭnych parušeńniaŭ, jakija dapuskajuć vadzicieli maršrutak — pieravyšeńnie ŭstanoŭlenaj chutkaści ruchu, vyjezd na sustrečnuju pałasu. Taksama niaredka maršrutki prajazdžajuć skryžavańni na zabaranialny sihnał śviatłafora i parušajuć praviły manieŭravańnia. U DAI nahadali, što dla maršrutak na darozie advodzicca pieršaja, maksimum druhaja pałasa. U krajniuju levuju pałasu jany mohuć zajazdžać tolki pry pavarocie naleva.
Inśpiektary DPS udzialajuć uvahu i tamu, jak pravodzicca pasadka i vysadka pasažyraŭ z maršrutnych taksi. «Heta možna rabić tolki va ŭstanoŭlenych miescach», — nahadvajuć u DAI. Akramia taho, vadziciel nie pavinien puskać u sałon pasažyraŭ, kali ŭsie miescy zaniaty. Čałaviek, jaki staić u maršrutcy, moža atrymać surjoznyja traŭmy pry rezkim tarmažeńni.
