Uzrovień zabrudžanaści pavietra ŭ niekatorych haradach Biełarusi padvysiŭsia z-za praciahłaj haračyni i adsutnaści apadkaŭ.
Ab hetym paviedamili ŭ Respublikanskim centry radyjacyjnaha kantrolu i manitorynhu navakolnaha asiarodździa.

Jak padaje BIEŁTA, pavodle stacyjanarnych nazirańniaŭ u peryjad z 5 pa 11 žniŭnia, maksymalnyja kancentracyi farmaldehidu ŭ Viciebsku pieravyšali narmatyŭ jakaści ŭ 1,1–1,4 razy, Bieraści — u 1,4–1,9 razy, Mahilovie — u 2,1 razy, Oršy — u 2–2,3 razy. U Miensku (rajon vulicy Ščorsa) maksymalnaja kancentracyja farmaldehidu składała 1,2 normy hranična dapuščalnaj kancentracyi.

Maksymalnyja kancentracyi ćviordych čaścinak sumarna ŭ Mazyry (rajon vulicy Praletarskaja) i Miensku (rajon vulicy Babrujskaja) składali 1,3 HDK i 1,5 HDK adpaviedna.

U Mahilovie maksymalnyja kancentracyi amijaku znachodzilisia ŭ miežach 1,3–1,7 HDK, fenołu (rajon vulicy Čaluskincaŭ) — 1,1–1,9 HDK. Karotkačasovaje pavieličeńnie ŭtrymańnia dyjaksydu azotu (1,2 HDK) zafiksavana ŭ rajonie vulicy Astroŭskaha.

Pa dadzienych bieśpierapynnych vymiareńniaŭ, pavieličeńnie ŭtrymańnia ŭ pavietry ćviordych čaścinak frakcyi RM-10 adznačana ŭ minułyja vychadnyja dni. Siaredniesutačnyja kancentracyi 7 i 8 žniŭnia ŭ Žłobinie, Mahilovie, Miensku i Viciebsku znachodzilisia ŭ miežach 1,4–1,8 HDK.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?