Daśledavańni, praviedzienyja polskimi navukoŭcami pakazvajuć, što kožny čaćvierty małodšy školnik kiepska čuje, i vinavatyja ŭ hetym mp3-płejery.

Raniej stratu słychu vyklikali ŭ asnoŭnym infiekcyi i traŭmy, a siońnia dzieci pravakujuć jaje sami, słuchajučy hučnuju muzyku praz navušniki, — śćviardžaje Krystafier Kachanek, kaardynatar daśledavańnia ź Instytuta fizijałohii i patałohii słychu.

Jon padkreślivaje, što mp3-płejery škodziać dzieciam bolš, čym šum na kalidorach padčas pierapynkaŭ, jaki sparadžaje prablemy z kancentracyjaj padčas uroku, ale słychu nie škodzić.

Aŭtary daśledavańniaŭ naviedali taksama viaskovyja škoły. Vyniki apytańniaŭ pakazali, što tam sprava navat horšyja.

Tolki pałova baćkoŭ dziaciej ź niedachopami słychu, jakija vymahajuć nasić słychavy aparat, viedała pra prablemu da vizitu navukoŭcaŭ.
A tym časam, čym raniej lačyć, tym bolšyja šancy na paśpiachovyja vyniki. Dzieci ź niedachopami słychu majuć šmat prablemaŭ z navučańniem i razumieńniem nastaŭnika. Tym nie mienš, jany saromiejucca pierapytvać i nie chočuć siadzieć na pieršaj parcie, a prablemy rastuć, — kaža doktar Kachanek.
Aproč taho, praz prablemy sa słycham dziaciej składaniej navučyć čytać.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?