Pavodle dadzienych SAAZ, 63,7% mužčyn i 69,9% žančyn u Biełarusi majuć zališniuju vahu, a 32,2% žančyn i 16,2% mužčyn — atłuścieńnie.

Suśvietnaja arhanizacyja achovy zdaroŭja (SAAZ) vyznačaje indeks masy cieła čałavieka (IMC) jak vynik dzialeńnia vahi ŭ kiłahramach na ŭźviedzieny ŭ kvadrat rost u mietrach. Pa standartach SAAZ, kali IMC roŭny abo bolšy za 25, heta zališniaja vaha, a kali roŭny abo bolšy za 30 — atłuścieńnie. Naprykład, pry roście 1,7 m i vazie 83 kh IMC składzie 83 / (1,7*1,7), to bok 28,7 — heta zališniaja vaha.

Pieršyja čatyry miescy ŭ śviecie pa doli nasielnictva, starejšaha za 15 hadoŭ, jakoje pakutuje na zališniuju vahu, zajmajuć astraŭnyja dziaržavy Nauru (96,9% mužčyn i 93% žančyn), vyspy Kuka (93,4 i 90,3%), Mikranezija (93,1 i 91,1%) i Tonha (91,4 i 92,1%).

Cichaakijanskija vyspy na pieršym miescy i pa atłuścieńni nasielnictva. Tak, u Nauru dola takich hramadzian składaje 84,6% siarod mužčyn i 80,5% siarod žančyn.

U Jeŭropie samaje tłustaje nasielnictva ŭ Hrecyi i na Malcie
. U Hrecyi dola mužčyn z zališniaj vahoj składaje 77,5%, žančyn — 63,2%, na Malcie — 73,3 i 67,6% adpaviedna. U toj ža čas, siarod maltyjcaŭ bolš tych, chto pakutuje na atłuścieńnie: 28,1% mužčyn i 36,5% žančyn. Na atłuścieńnie pakutujuć 30,3% hrekaŭ i 26,4% hračanak.
Siarod krain byłoha SSSR pa paŭnacie nasielnictva pieršaja — Biełaruś: 63,7% mužčyn i 69,9% žančyn majuć zališniuju vahu, a 32,2% žančyn i 16,2% mužčyn — atłuścieńnie.

Rasija pa doli i mužčyn i žančyn z zališniaj vahoj zajmaje 99-je miesca siarod 192 krain śvietu. Pa dadzienych SAAZ, 46,5% rasijskich mužčyn i 51,7% žančyn majuć zališniuju vahu. Na atłuścieńnie pakutujuć 9,6% mužčyn (93-je miesca) i 23,6% žančyn (74-je miesca).

Samaj chudoj krainaj śvietu možna nazvać Erytreju: usiaho 3,5% mužčyn i 6,3% žančyn tam majuć zališniuju vahu, a na atłuścieńnie pakutujuć tolki 0,1% žančyn.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?