Šmathadzinnaje «zavisańnie» ŭ internecie, doŭhaja bałbatnia pa sotavym, biaskoncyja esemeski — kamu z baćkoŭ cinejdžaraŭ nieznajomyja hetyja baki žyćcia dziciaci? Naprykład, pałova amierykanskich padletkaŭ adpraŭlaje nie mienš jak 50 sms-paviedamleńniaŭ u sutki i 1500 — u miesiac. A samymi aktyŭnymi karystalnikami hetaha vidu suviazi źjaŭlajucca dziaŭčatki 14–17 hadoŭ, jakija rassyłajuć u siarednim pa 100 paviedamleńniaŭ u dzień.

Pravodziacca navat svojeasablivyja čempijanaty na chutkaść i kolkaść adpraŭlenych sms-paviedamleńniaŭ. I cinejdžary achvotna ŭ ich udzielničajuć, na radaść sotavych apierataraŭ. Adnak surahatnyja vidy stasunkaŭ nie takija biaskryŭdnyja, jak zdajecca.

Aŭstralijskija psichołahi vyśvietlili, što ŭ sms-zaležnych padletkaŭ časta sustrakajucca tryvožnaść, niaŭpeŭnienaść u sabie i nizkaja samaacenka. Aŭtary daśledavańnia vyznačyli niekalki katehoryj parušeńniaŭ: tekstafrenija, tekstavaja zaležnaść, posttraŭmatyčnaje tekstavaje rasstrojstva i tekstavaje złoŭžyvańnie.

Pry tekstafrenii padletak čuje sihnał, jaki paviedamlaje pra atrymańnie esemeski, abo adčuvaje vibracyju telefona, choć nasamreč ni pieršaha, ni druhoha niama. Tekstavaja zaležnaść prajaŭlajecca ŭ tryvožnaści, kali padletak nie atrymlivaje sms-paviedamleńniaŭ abo nie maje mahčymaści ich adpravić. Takich dziaciej niaredka niepakoić adčuvańnie, što ich nichto nie lubić i nie choča ź imi mieć stasunki. Posttraŭmatyčnaje tekstavaje rasstrojstva — heta fizičnyja i psichałahičnyja adchileńni ŭ zdaroŭi, atrymanyja ŭ vyniku zachapleńnia. A pad tekstavym złoŭžyvańniem psichołahi majuć na ŭvazie rassyłańnie mnostva paviedamleńniaŭ biez asablivaj patreby — prosta z metaj palepšyć nastroj abo dla taho, kab choć niechta adhuknuŭsia.

Tak što baćkam padletkaŭ, nadzvyčaj zachoplenych tekstavymi pasłańniami, jość ab čym chvalavacca. Mahčyma, vašamu dziciaci nie chapaje baćkoŭskaj uvahi, lubovi i razumieńnia. Ale surahatnyja stasunki nikoli nie zamieniać sapraŭdnaha kantaktu ź blizkimi ludźmi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?