Jak nie pamylicca, nie pierapłacić pry nabyćci mašyny? Jakija ceny na papularnyja madeli siońnia možna ličyć adekvatnymi?
Ceny na aŭtazapčastki pavialičacca
Presa pra heta pakul nie paviedamlała, a voś handlary aŭtakramaŭ ź impetam abmiarkoŭvajuć pytańnie.
— Čamu aŭtazapčastki buduć kaštavać daražej? Heta vidavočnaja iścina, — tłumačyć ekanamičnyja miechanizmy Aleh Šaŭruk, uładalnik kropki z zapčastkami na rynku «Ždanovičy». — U krainu pryhnali bahata mašyn, našmat bolej, čym zvyčajna. Pakul što jany jeździać, ale chutka pačnuć łamacca. Popyt na zapčastki istotna pavialičycca. Čamu b mnie na hetym nie zarabić? My ŭžo rychtujemsia pavialičyć ceny na 10%. Da taho ž ceny zaležać ad jeŭra. Uletku vartaść valuty źniziłasia. I kali jeŭra pačnie raści — košty
Padobna na toje, što ceny na rynku bekašnych aŭto chutka dasiahnuć rekordnaha minimumu.
Ekśpierty padličvajuć padzieńni cenaŭ u pracentach. Tak, staršynia Biełaruskaj aŭtamabilnaj asacyjacyi Siarhiej Michnievič adznačaje, što za dva apošnija miesiacy aŭtamabili ŭ siarednim zhubili kala 15% ad svaich byłych rynkavych koštaŭ. I tendencyja da źnižeńnia praciahvajecca.
Viadomy aŭtaekśpiert Anatol Šaŭčenka, hałoŭny redaktar haziety «Aŭtadajžest», zaznačaje, što aŭtarynak «loh»:
— Prapanova pieravyšaje popyt, mašyny amal nichto nie kuplaje. Patańnieńnie aŭtamabilaŭ budzie praciahvacca da kanca leta, a to i da kanca hoda.
Padzieńnie koštaŭ vidavočnaje, vočy ź ciažkaściu vierać asobnym faktam. Naprykład, u maim haražnym kaapieratyvie staić bieły «Opiel Astra» 2002 hoda z abjomam ruchavika 2000 sm 3.
Na papularnym narodnym aŭtarynku «Ždanovičy», kudy pryjazdžajuć handlary z usioj Biełarusi, takoje ž koštavaje padzieńnie. I niahledziačy na heta — tolki maleńkaja kupka pakupnikoŭ.
— Niekatoryja ludzi pradavali ziamlu, dačy, kvatery. Kuplali tuzin mašyn, spadziavalisia ŭ Rasiju pradać. Ale miežy nie adkryli, i ŭsio lasnułasia,
— z sumnaj uśmieškaj raspaviadaje aŭtapierahonščyk Maksim. — Pa rynku čutki chodziać, što adzin z takich miascovych «biznesmienaŭ» u psichušku trapiŭ. A što vy chočacie? Addajom mašyny amal pa sabiekošcie.
Maksim prapanavaŭ nabyć jaho «Reno Łahunu» 2002 hoda (dyzielny ruchavik abjomam 1900 sm 3) za 5500 dołaraŭ ZŠA. Jašče ŭzimku takaja mašyna kaštavała prykładna 7700 dołaraŭ. Bienzinavuju «Łahunu» takoha ž hoda siońnia možna ŭziać za 5000 dołaraŭ.
— Kažuć, z vosieni košty ŭvierch papaŭzuć, kali rynak narmalizujecca, — z nadziejaj u hołasie pierahavorvalisia handlary la čornaj «Aŭdzi». — Sania Šajba (aŭtapierahonščyk, jaki pracuje na «Ždanovičach») vuń uvohule mašyny nie vyhaniaje na rynak, čakaje, pakul skončycca leta.
Hałoŭnaje praviła — nie śpiašajciesia addavać hrošy!
Kali vy toj samy redki pradbačlivy «partyzan», jaki siadzieŭ u kustach i čakaŭ nievierahodnaha patańnieńnia aŭto (u asnoŭnym ludzi ŭžo nabyli aŭtamabili i nie majuć hrošaj na čarhovuju zamienu), to pamiatajcie załatoje praviła — nie śpiašajciesia!
Situacyja na rynku dazvalaje vybirać mašynu piedantyčna i z chałodnaj hałavoj.
Na «Ždanovičach» pabačyŭ dahledžany «Falksvahien Pasat» 2002 hoda za 9600 (bienzinavy ruchavik 1800 sm³).
— Harantuju, što heta mašyna tut doŭha nie prastaić, zaŭtra ž schopiać, — pabažyŭsia handlar i praciahnuŭ svaju vizitoŭku «Aŭtamabili sa Šviejcaryi».
I što vy dumajecie? Tak raśpisaŭ svoj «Pasat», što, kab byli ŭ mianie hrošy, kinuŭsia b jaho kuplać. Nie aŭtahandlar, a Kašpiroŭski niejki.
Prajšoŭ litaralna 500 mietraŭ i baču «Falksvahien Pasat» 2003 hoda (z dyzielnym ruchavikom 1900 sm 3) za… 7950 dołaraŭ ZŠA. U paraŭnańni ź minułaj mašynaj hetaja na hod maładziejšaja, ź lepšym ruchavikom dy jašče i tańniejšaja na 1650 baksaŭ!
— Ja sam z Kapyla, učora vystaviŭ «Pasat» za 8300 dołaraŭ, ale dadomu treba, hrošy patrebnyja. Tamu i źbiŭ canu, — patłumačyŭ handlar.
Voś jakija vialikija raźbiežki koštaŭ!
U takoj situacyi jość nadziejnaja stratehija vyžyvańnia — daskanała vyvučać usie prapanovy i nie śpiašacca, praviarać kožnuju detalku mašyny na STA. Krytyčnaja situacyja na aŭtarynku tolki spryjaje takim pavodzinam.
Samy nadziejny varyjant, zrazumieła, kupić novuju mašynu ŭ aŭtasałonie. Hady try ŭvohule nie budzie łamacca. Ale mytnyja pošliny dla jurydyčnych asobaŭ byli istotna pavialičanyja. U vyniku prodaž mašyn u aŭtasałonach skaraciŭsia jak minimum na 30%, a ceny vyraśli.
Analiz koštaŭ na aŭtarynku
Žurnalist «abyšoŭ aŭtarynki, pieračytaŭ abjavy ŭ rekłamnych hazietach, «prapyłasosiŭ» internet. Detalova vyvučyŭ situacyju: jakija košty možna nazvać adekvatnymi, jakija — zavyšanymi.
Takim čynam, my skłali tablicu z cenami na papularnyja ŭ narodzie lehkaviki.
Adnak pierad tym, jak jaje prahledzieć, uličycie dva važnyja momanty:
1) Vyśvietliłasia, što padzieńnie koštaŭ amal nie zakranuła tak zvanyja haradskija aŭtamabili (u narodzie ich nazyvajuć małalitražki, žanočyja mašynki). Pryčyna — nievialiki popyt na taki tavar.
2) Uličycie, što paznačany košt možna źbić na 200–300 dołaraŭ ZŠA. Tak na aŭtarynku pryniata.
Kali mašyny znoŭku pačnuć daražeć?
Pradkazać heta dakładna amal niemahčyma. Padaražeńni na aŭtarynku zaležać ad niekalkich čyńnikaŭ:
Pieršy: pavieličeńnie mytnych pošlin na ŭvoz mašyn dla fizičnych asobaŭ z 2011 hoda. Čym bližej da hetaj daty, tym bolej aŭtahandlary buduć padvyšać košty.
Ale ŭ suviazi z tym, što palityki nie mohuć damovicca nakont supolnaj mytnaj prastory, pavieličeńnie pošlin z 2011 hoda siońnia vyhladaje małavierahodnym. Choć situacyja moža źmianicca ŭ luby momant. Biełarusy ŭžo navučanyja tym, što čynoŭniki časam prymajuć samyja niečakanyja rašeńni.
Druhi: kali situacyja na aŭtarynku narmalizujecca (a heta nieadstupna zdarycca), košty znoŭku pačnuć pavyšacca. Ahromistaja kolkaść uviezienych u Biełaruś lehkavikoŭ usio adno razydziecca, i tady suadnosiny popytu i prapanovy zapracujuć
Ekśpierty adznačajuć, što, chutčej za ŭsio, situacyja na aŭtarynku narmalizujecca z pačatku novaha hoda. A košty, chutčej za ŭsio, pačnuć pavyšacca ź viasny
