Paŭsiadzionnyja bytavyja zvyčki niaredka pryvodziać da stomlenaści i apatyi. Jak vyznačyli vučonyja, čaściej za ŭsio źjaŭleńniu hetaha stanu sadziejničajuć siem pryčyn.

Pieršaja ź ich — rehularnaje niedasypańnie. Pavodle statystyki, u 60-ja hady minułaha stahodździa siaredniestatystyčny čałaviek advodziŭ na son 8 hadzin, ciapier — prykładna 6,5. Ludzi stali mienš spać z-za paskoranaha tempu žyćcia, jaki vymušaje zajmacca ŭsio bolšaj kolkaściu spraŭ. Akramia taho, pavialičyłasia kolkaść ludziej, jakija pakutujuć ad parušeńniaŭ snu (naprykład, na fonie stresu).

Miedyki dakazali, što niedasypańnie, nazapašanaje na praciahu niekalkich dzion, nielha kampiensavać za adzin raz. Reč u tym, što niedachop snu na praciahu sutak arhanizm zdolny biez škody kampiensavać na nastupny dzień. Sistematyčnaje nieatrymańnie «kampiensacyi», na praciahu niekalkich dzion zapar, pryvodzić da razdražnialnaści, pryhniečanaha stanu i atłuścieńnia.

Amatary «pasiadzieć» na dyjecie taksama ryzykujuć atrymać sindrom chraničnaj stomlenaści. Ich možna padzialić na try hrupy. Adny (i ich mienšaść) sapraŭdy ŭmudrajucca, vytrymlivajučy dyjetu, rasstacca ź lišniaj vahoj. U druhich ničoha nie atrymlivajecca — i jany pakidajuć sproby abmiežavać svoj racyjon. Trecija ž biez snu i adpačynku padbirajuć sabie ŭsio novyja dyjety abo pačynajuć adnu i tuju ž kožny raz spačatku. Mienavita jany, hetyja ŭpartyja amatary dyjet, znachodziacca ŭ hrupie ryzyki. Jany pastajanna adčuvajuć vinu i niezdavolenaść za niavykananyja płany pa pachudzieńni, sprabujuć pakarać siabie ŭsio bolš strohaj dyjetaj, pakutujuć ad pastajannaha pačućcia hoładu (i časta — ad niedachopu važnych rečyvaŭ).

Treciaja pryčyna — chraničnyja boli. Daśledavańni pakazvajuć, što pamiž pacyjentami z depresijaj, posttraŭmatyčnym sindromam i chraničnym bolem jość peŭnaje padabienstva. Heta tak zvanaja dezaptacyjnaja reakcyja, jakaja vyjaŭlajecca ŭ myšačnaj słabaści, źnižeńni apietytu i libida, źmianšeńni fizičnaj aktyŭnaści, niespakojnym śnie i panižeńni kancentracyi ŭvahi. Taki čałaviek pastajanna adčuvaje siabie vymatanym, źniasilenym, i heta mocna źnižaje jakaść žyćcia.

Amatary kavy taksama ryzykujuć zamiest čakanaj badzioraści atrymać advarotny efiekt. Usio prosta: uźnikaje efiekt pryvykańnia, dla badzioraści patrabujecca ŭsio bolšaja doza, jakuju, urešcie, niemahčyma pastajanna pavialičvać. Akramia taho, užyvańnie napojaŭ z utrymańniem kafieinu ŭzmacniaje abiazvodžvańnie. Tym, kamu składana admovicca ad zvyčki pić pa niekalki kubkaŭ kavy ŭ dzień, maje sens spałučać ich ź pićciom vady na praciahu dnia. Zrešty, tym, chto abychodzicca biez kavy, vada taksama nie paškodzić. Dyjetołahi rajać vypivać 8 šklanak vady štodzień.

Anałahičny efiekt daje i ŭžyvańnie enierhietyčnych napojaŭ. Prymajučy hety davoli mahutny stymulatar, čałaviek atrymlivaje ŭdarnuju dozu kafieinu, taurynu i časta žeńšeniu. Paśla takoj mabilizacyi ŭnutranych reziervaŭ arhanizmu patrabujecca adnaŭleńnie i adpačynak.

Da pavyšanaj stamlalnaści pryvodzić taksama niedachop kisłarodu ad pastajannaha znachodžańnia ŭ dušnym pamiaškańni, jaki zapavolvaje abmien rečyvaŭ. A małaja ruchavaść pry hetym zusim nie pryvodzić da ekanomii enierhii: myšcy biez nahruzki stračvajuć tonus, u vyniku źnikaje i enierhija. Bolš za toje, fizičnaja aktyŭnaść źnižaje nie tolki ryzyku sardečna-sasudzistych zachvorvańniaŭ, ale i ryzyku ŭźniknieńnia depresii i, jak vyśvietliłasia, upłyvaje na praciahłaść žyćcia. Daśledčyki Univiersiteta Paŭdniovaj Karaliny na praciahu 12 hadoŭ viali nazirańni za hrupaj z 2600 pažyłych ludziej. Vyśvietliłasia, što fizičnaja aktyŭnaść upłyvaje na praciahłaść žyćcia značna macniej, čym navat najaŭnaść narmalnaha indeksa masy cieła. Inakš kažučy, nie maje značeńnia, poŭny čałaviek abo chudy: kali jon šmat času na praciahu dnia znachodzicca ŭ ruchu, jon pražyvie daŭžej.

Padrychtavała Volha CYBULSKAJA.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?