Patrymanyja aŭtamabili ŭ Biełarusi patańnieli ŭ traŭni‑červieni sioleta na 10‑15%, paviedamiŭ staršynia aŭtamabilnaj asacyjacyi BAA Siarhiej Michnievič.
«Bolšaść uviezienych fizičnymi asobami aŭtamabilaŭ płanavałasia realizavać na rasijskim rynku. Adnak, kali ŭ traŭni stała viadoma, što Rasija ich nie puścić, heta abvaliła biełaruski rynak patrymanych aŭtamabilaŭ «, — skazaŭ jon u intervju BiełTA.
«Zaraz vielmi ciažka pradać patrymanuju aŭtatechniku, pakolki prapanova značna pieravyšaje popyt», — adznačyŭ staršynia asacyjacyi.
Pry hetym u bližejšy čas ceny na ŭviezienyja aŭtamabili pa‑raniejšamu, vierahodniej za ŭsio, praciahnuć źnižacca, pakolki mnohija aŭtamašyny byli nabytyja na kredytnyja resursy, i dla hetych metaŭ navat byli zakładzienyja kvatery.
U nastupnym paŭhodździ, pa prahnozach Michnieviča, aktyŭnaha ŭvozu aŭtamabilaŭ fizičnymi asobami ź Jeŭropy nie budzie. «Paśla 60 tys. ŭviezienych u pieršym paŭhodździ aŭtamabilaŭ heta kolkaść budzie pamianšacca, bo rasijski rynak začynieny, a biełaruski — značna mienš jomisty, — rastłumačyŭ jon. — Adpaviedna, patrebnaści hramadzian buduć upłyvać na abjomy ŭvozu inšamarak. Nichto ž nie budzie ŭvozić aŭtamabil, kab potym pradać jaho sabie ŭ stratu «.