Pałata pradstaŭnikoŭ nacyjanalnaha schodu Biełarusi pryniała 30 červienia ŭ pieršym čytańni zakonaprajekt «Ab aŭtarskim pravie i sumiežnych pravach».
Vystupajučy pierad deputatami, staršynia Dziaržaŭnaha kamiteta pa navucy i technałohijach Ihar Vojtaŭ adznačyŭ, što prajekt zakona skiravany na pavyšeńnie efiektyŭnaści funkcyjanavańnia sistemy achovy i realizacyi aŭtarskich i sumiežnych pravoŭ, dasiahnieńnie bałansu intaresaŭ aŭtara (pravaŭładalnikaŭ), hramadstva i dziaržavy.
Dakumient praduhledžvaje ŭdaskanaleńnie słužbovych zdabytkaŭ i sistemy svabodnaha vykarystańnia abjektaŭ aŭtarskaha prava i sumiežnych pravoŭ, raźvićcio dahavornych adnosin u ramkach aŭtarskaha i licenzijnaha dahavoraŭ, dahavory vyklučnaha prava i dahavory‑zamovy ab stvareńni i vykarystańni abjektaŭ aŭtarskaha prava i sumiežnych pravoŭ. Važnaje miesca ŭ prajekcie zakona adviedziena pytańniam rehulavańnia adnosin u śfiery kalektyŭnaha kiravańnia majomasnymi pravami aŭtaraŭ. Praduhledžana vyznačeńnie pravavoha statusu i paŭnamoctvaŭ arhanizacyj pa kalektyŭnym kiravańni majomasnymi pravami.
Zakonaprajektam uvodziacca taksama novyja pravy ŭ dačynieńni da kampjuternych prahram, u tym liku prava na ich ustanoŭku i zapusk. Budzie ŭviedziena prava i na niedatykalnaść aŭtarskich tvoraŭ. Heta aznačaje, što biez zhody aŭtara nie dapuskajecca ŭniasieńnie ŭ jaho tvor jakich‑niebudź źmianieńniaŭ, skaračeńniaŭ i dapaŭnieńniaŭ. Aŭtar maje prava piarečyć suprać luboha skažeńnia svajho tvoru ci inšaha zamachu, zdolnaha nanieści škodu jaho honaru i hodnaści.
