Deputaty prosiać prezidenta pryznačyć praviadzieńnie niečarhovaj siesii pałaty pradstaŭnikoŭ na 7 vieraśnia. Adpaviedny zvarot pałata pradstaŭnikoŭ pryniała 30 červienia.
Pavodle słoŭ staršyni pastajannaj kamisii pa dziaržaŭnym budaŭnictvie, miascovym samakiravańni i rehłamiencie Vasila Bajkova, na niečarhovaj siesii płanujecca razhledzieć pytańnie ab respublikanskim biudžecie, ab uniasieńni źmienaŭ i dapaŭnieńniaŭ u Padatkovy i Biudžetny kodeksy i inšyja.
Bajkoŭ padkreśliŭ, što razhlad hetych pytańniaŭ na niečarhovaj siesii, dazvolić «dać mahčymaść arhanizacyjam i ludziam padrychtavacca da ŭvachodžańnia ŭ dziejańnie hetych narmatyŭna‑pravavych aktaŭ».
U svaju čarhu, namieśnik staršyni pastajannaj kamisii pałaty pradstaŭnikoŭ nacyjanalnaha schodu Respubliki Biełaruś pa mižnarodnych spravach i suviaziach z SND Ihar Karpienka zaznačyŭ: «Praviadzieńnie niečarhovaj siesii pa razhladzie hetych pytańniaŭ budzie spryjać tamu, kab my padrabiazna i detalova padyšli da ich razhladu».
U hutarcy z žurnalistami Bajkoŭ nie vyklučaje, što ŭ paradak dnia niečarhovaj siesii mohuć być uniesieny dadatkovyja pytańni. «Deputaty vyznačyli paradak dnia — heta biudžetnyja pytańni, ale kančatkova paradak dnia farmiruje i zaćviardžaje kiraŭnik dziaržavy», — patłumačyŭ jon.
Adkazvajučy na pytańnie, ci moža być uniesienaje na paradak dnia niečarhovaj siesii pytańnie ab pryznačeńni daty prezidenckich vybaraŭ, Bajkoŭ zaŭvažyŭ, što pa Vybarčym kodeksie data prezidenckich vybaraŭ pavinna być pryznačanaja nie paźniej za piać miesiacaŭ da ich praviadzieńnia.Vierasień — heta krajni termin pryznačeńnia daty vybaraŭ, dadaŭ deputat.
Što tyčycca mahčymaści ŭniasieńnia ŭ paradak dnia niečarhovaj siesii pytańnia ab ratyfikacyi Mytnaha kodeksa, to, jak zajaviŭ Bajkoŭ, jon nie hatovy razmaŭlać na hetuju temu, pakolki hetaje pytańnie nie adnosicca da kampietencyi jaho kamisii
