Chto, jak nie sami aŭtaŭładalniki lepš za ŭsio raspaviaduć pra ŭłasnyja aŭtamabili? Jany viedajuć, kolki razoŭ zajaždžali na siervis, viedajuć, čym ich nie zadavalniaje nabyty aŭtamabil, jakija čakańni ad ekspłuatacyi aŭto nie paćvierdzilisia, a dzie ŭźnikli takija prablemy, što daviałosia zaleźci ŭ hamaniec.
Čarhovaje maštabnaje daśledavańnie praviało jeŭrapiejskaje adździaleńnie ahienctva J.D. Power. Ahienctva zajmajecca hłabalnym ankietavańniem aŭtaŭładalnikaŭ, jakija nabyli svaje aŭtamabili bolš za hod tamu i ŭ siarednim najeździli la 30 000 km. Vializnuju ankietu zapoŭnili 17 200 aŭtamabilistaŭ, jakija kupili mašyny ŭ pieryjad z studzienia 2007 pa śniežań 2008 hodu. Pytańni, jakija zadavalisia uładalnikam aŭtamabilaŭ, duža raznastajnyja. Jany tyčylisia pracy vuzłoŭ aŭtamabilaŭ, nadziejnaści, zručnaści sałona, pieravozki bahažu, ažno da prostych ahulnych uražańniaŭ ab aŭtamabili.
Ahułam byli atrymany acenki na 104 madeli ad 27 vytvorcaŭ . U vyniku apracoŭki ankietaŭ aŭtamabili aceńvalisia pa čatyroch paramietrach, kožny ź jakija mieŭ ułasnuju vahu ŭ finalnaj acency, što vystaŭlałasia peŭnaj madeli:
skarhi uładalnikaŭ — 37%
jakaść i nadziejnaść — 24%
utrymańnie i vydatki — 22%
jakaść absłuhoŭvańnia ŭ dyleraŭ — 17%
Paramietry «Jakaść i nadziejnaść», a taksama «Skarhi uładalnikaŭ» sapraŭdy dajuć abjektyŭnuju acenku kankretnamu aŭtamabilu niezaležna ad krainy ekspłuatacyi transpartnaha srodku.
Zbolšaha apytvańnie adlustroŭvaje zadavolenaść uładalnika svaim aŭtamabilem — na kolki adsotkaŭ peŭnaja madel apraŭdała spadzievy svaich uładalnikaŭ.
Absalutna lepšy vynik pakazaŭ krasovier ad Lexus. Madel Lexus RX pakazała vynik zadavolenaści klijentaŭ na uzroŭni 86,7% i dosyć mocna adarvałasia ad druhoha miesca, na jakim apynuŭsia prestyžny siedan Jaguar XF.
Jašče nie tak daŭno u rejtynhach nadziejnaści aŭtamabilaŭ marki Jaguar zajmali dosyć ścipłyja pazicyi, asabliva kali hetyja rejtynhi vypuskalisia ŭ Niamieččynie albo ŭ Štatach. Ale ciapier, pa‑pieršaje, Jaguar nasamreč staŭ atrymlivać mienš pretenzijaŭ uładalnikaŭ da jakaści i nadziejnaści svaich madelaŭ, pa‑druhoje, dadzienaje daśledavańnie pravodziłasia ŭ Vielikabrytanii, dzie vielmi łajalna staviacca da ajčynnaha vytvorcy — honaru brytancaŭ.
Treciaje miesca ŭ hłabalnym śpisie zadavolenaści zajmaje jašče adzin Lexus — siedan IS.
Darečy, kali nie ličyć Lexus RX, jaki vyrvaŭsia napierad, dyk usie astatnija 103 madeli pakazali vielmi blizkija vyniki — mocnych pravałaŭ tut niama: aŭtamabili raźmieščany ščylnaj hrupaju i razryŭ u vynikach druhoha i apošniaha miesca składaje usiaho 10%.
Zadavolenaść klijentaŭ zusim nie zaležyć ad pamieraŭ aŭtamabilaŭ i typu kuzava. U pieršuju dziesiatku trapili drabniutki haradski chetčbek ad Toyota, kampakt‑ven ad Honda, prestyžnyja siedany ad Audi i Jaguar, krasoviery ad Lexus i Honda, madel S‑kłasu ad KIA.
Zaŭvažna, što aŭtamabili premium‑marak, i ŭ pryvatnaści Audi, BMW, Mercedes‑Benz, zaniali miesca ŭ pieršaj pałovie śpisu. Razam ź imi tryvała zamacavalisia madeli Honda, Toyota, Volkswagen.
A voś francuzskija mašyny ŭ Brytanii zaŭždy niedalublivali, i ŭ śpisie zadavolenaści klijentaŭ jany zajmajuć nievysokija miescy. Pieršy francuz, Citroen C4 Grand Picasso, źjaŭlajecca ŭ śpisie tolki na 37‑m miescy (jakoje jon padzialaje z Audi A4 i BMW 5‑Series), a asnoŭnaja masa francuzskich madelaŭ zasiarodziłasia bližej da kancu śpisu.
Isnuje jašče adna nieparazumiełaść u pakazańniach anhličanaŭ. Try absalutna adnolkavyja madeli, jakija vypuskaje adzin zavod u Słavakii, raźmieščany z roznych častkach śpisu. Aŭtamabil ź japonskim šyldzikam Toyota Aygo zaniaŭ 31‑ie miesca, a mašyny z francuzskimi emblemami apynulisia na 90‑m (Citroen C1) i 99‑m (Peugeot 107) miescy.
 |
Siarod haradskich mikralitražak lepšyja adznaki za jakaść i nadziejnaść atrymali FIAT Panda i Citroen C1.
Kali hutarka pajšła ab skarhach uładalnikaŭ, to mienš za ŭsio pretenzijaŭ było da FIAT 500, u toj čas jak francuzskija madeli dy stareńki Ford Ka atrymali ad anhielcaŭ pa poŭnaj. Što tyčycca pracy dyleraŭ i koštu absłuhoŭvańnia Toyota Aygo i Smart ForTwo atrymali vysokija bały i apynulisia lepšymi u kłasie haradskich subkampaktaŭ. Kampaniju im składajuć dva FIAT — Panda i 500.
 |
Ahułam u hetaj katehoryi pradstaŭleny 23 madeli. U pačatku śpisu iduć japonskija madeli i maleńki anhlijski MINI. Najlepšymi pa jakaści i nadziejnaści byli pryznanyja Honda Jazz i Toyota Yaris.
Aprača taho, najvyšejšuju acenku za nadziejnaść atrymaŭ Mitsubishi Colt, a za jakaść sałona — Volkswagen Polo. Unizie śpisu dobryja vyniki pa jakaści i nadziejnaści pakazali Ford Fiesta, Citroen C3 i Opel Meriva, jaki u Brytanii pradajecca pad markaju Vauxhall. Mienš za ŭsio skarhaŭ sabraŭ samy jarki, a hałoŭnaje, samy anhlijski aŭtamabil MINI.
Najvyšejšyja acenki za servis i košt absłuhoŭvańnia ŭ Vialikabrytanii atrymała madel Toyota Yaris.
 |
A voś i pieršy vielmi niečakany vynik: siarod 19 madelaŭ holf‑kłasu bolš za ŭsio da hustu karystalniku dastupnaja karejskaja madel słavackaj vytvorčaści. Vydatnaja jakaść i nadziejnaść, adsutnaść skarhaŭ i nizkija košty na servis vyviali KIA Cee'd na pieršaje miesca ŭ kłasie i na čaćviortaje u ahulnym zaliku rejtynhu zadavolenaści pakupalnikaŭ. KIA Cee'd apiaredziła nie tolki etałon kłasu VW Golf, ale i premium‑kampakty ad BMW, Audi i Volvo. Apošniaja ź ich, Volvo C30, atrymała vyšejšyja adznaki za jakaść i nadziejnaść. Vysokija adznaki za jakaść taksama u VW Jetta i KIA Cee'd. Jakaść kuzava najlepšaja akazałasia ŭ Toyota Auris, a vyšejšy bał za nadziejnaść atrymała jašče i novaja Mazda3.
 |
Rezki padzieł pieravahaŭ spažyŭcoŭ adsočvajecca ŭ adznakach 12 aŭtamabilaŭ D‑kłasu. Samyja vysokija adznaki atrymali japonskija madeli i Volvo, zatym iduć niamieckija i francuzskija madeli.
Najvyšejšyja adznaki za jakaści i nadziejnaść atrymlivaje tolki Toyota Prius. Jašče adnu vyšejšuju adznaku za jakaść kuzava atrymlivaje Honda Accord, i bolš u hetym kłasie nivodnaja madel nie atrymała najvyšejšych bałaŭ za nadziejnaści i jakaść. Zatoje u Accord była minimalnaja kolkaść skarhaŭ. Klijenty apynulisia łajalnymi i da Volvo S40. Vyšejšuju adznaku za košt utrymańnia zajmieŭ, viadoma ž, hibrydny Prius.
 |
Japonski Lexus atrymaŭ najvyšejšyja adznaki za jakaść i nadziejnaść. Najvyšejšuju adznaku za nadziejnaść atrymaŭ taksama i Mercedes C‑Class. Pa nizkaj kolkaści skarhaŭ z vysokim adznakami vyłučyłasia madel Audi, a pa vyhodnym košcie spažyŭcy Vialikabrytanii abrali rodny Jaguar X‑Type.
 |
Ni japonskich, ni amierykanskich vytvorcaŭ u hetym kłasie aŭtamabilaŭ u daśledavańni nie apynułasia. Novy Jaguar XF śviatkavaŭ pieramohu nad niamieckimi kankurentami, chacia za nadziejnaść jon atrymaŭ samy nizki bał u svaim kłasie. Zatoje anhielcam pryjšłasia daspadoby jakaść interjeru Jaguar. Łajalnaść da rodnaha brendu prahladajecca i ŭ vysokich adznakach Jaguar XF za adstutnaść skarhaŭ.
Najvyšejšuju adznaku za nadziejnaść atrymaŭ BMW 5‑Series, što nie zaškodziła BMW zastacca na apošnim miescy rejtynhu pa zadavolenaści spažyŭcoŭ u svaim kłasie. Najlepšym pa nadziejnaści i jakaści vytvorčaści ŭ svaim kłasie karystalnik pryznali aŭtamabili siamiejstva Audi A6.
 |
Mazda MX‑5 iznoŭ pa‑za kankurencyjaj. Dvuchmiascovy rodster staŭsia samym jakasnym i nadziejnym, a taksama nabraŭ minimum skarhaŭ pa kuzavie ad svaich uładalnikam. Najvyšejšuju adznaku za nadziejnaść atrymaŭ taksama VW Eos, a mienš za ŭsio skarhaŭ a spažyŭcoŭ sabraŭ Mercedes‑Benz SLK.
 |
U kłasie minivenaŭ siarod 15 aŭtamabilaŭ najvyšejšy bał za nadziejnaść atrymaŭ tolki Renault Scenic, a za jakaść vykanańnia interjeru i kuzava vyšejšuju adznaku zajmieła tolki Mazda5. Adnak vysokija adznaki za nadziejnaść i jakaść nie paŭpłyvali na ahulnaje stanovišča ŭ rejtynhu. Renault i Mazda apynulisia na siomym i adzinaccatym miescach adpaviedna.
Voś nizkaja kolkaść skarhaŭ uładalnikaŭ Mercedes B‑Class i Citroen Grand C4 Picasso dazvolili hetym madelam stać liderami kłasu minivenaŭ. Ford S‑Max atrymaŭ roŭna takija ž adznaki za nizkuju kolkaść skarhaŭ, što i Mercedes B‑Class, ale vysoki košt utrymańnia adkinuŭ Ford na dziaviataje miesca.
 |
Lexus RX nie tolki staŭsia lidaram kłasu krossovierov, ale i ź vialikim adryvam uznačaliŭ ahulny śpis z 104 madelaŭ. Lexus RX atrymaŭ vyšejšyja adznaki pa ŭsich paramietrach. Pa nadziejnaści i jakaści adrazu za Lexus raźmiaściŭsia Nissan X‑Trail, ale jon sabraŭ šmat skarh uładalnikaŭ. Samyja nizkija adznaki za nadziejnaść i jakaść vykanańnia atrymali BMW X5 i Land Rover Discovery.
 |
