Davodzicca prymušać siabie pracavać, adčuvajecie stomlenaść, navat kali ničoha nie robicie, i ŭvohule «ničoha nie raduje»? Chutčej za ŭsio, u vas astenija. Adkul biarecca hety stan i jak jaho pieramahčy?

Prykmiety astenii abo asteničnaha sindromu (jaho jašče nazyvajuć chvaravitaj słabaściu) siońnia mohuć vyjaŭlacca ŭ mnohich. Pravakujučyja faktary: hipavitaminoz, adaptacyja arhanizma da novych siezonnych rytmaŭ, stan vylačeńnia paśla infiekcyjnaha zapaleńnia, niedasypańnie abo chraničnyja stresy (źviazanyja z pracaj, prablemami ŭ asabistym žyćci abo rezkaj źmienaj ładu žyćcia, naprykład, vychadam na piensiju), a taksama złoŭžyvańnie kavaj, nikacinam, ałkaholem abo lekami.

Fonam pry hetym u mnohich vypadkach słužać fizičnyja chvaroby. Heta mohuć być i takija raspaŭsiudžanyja niemačy, jak virusny hiepatyt, aniemija, dyjabiet, i takija «skrytnyja» zachvorvańni, jak VIČ, endakardyt (zapaleńnie serca), encefalit (zapaleńnie mozha). Niaredka mienavita prykmiety astenii stanoviacca ich pieršymi i doŭhi čas adzinymi simptomami. Voś čamu pry skarhach na pastajannuju stomlenaść treba prajści surjoznaje miedycynskaje abśledavańnie ŭ terapieŭta i imunołaha.

Časam pryčyna ŭ psichicy.

Prykładna ŭ pałovy chvorych pryčynu asteničnych skarhaŭ nie ŭdajecca vyjavić navat paśla starannych analizaŭ. U hetych vypadkach pryniata ličyć, što karani zachvorvańnia lažać u psichičnaj płoskaści. Ale i ŭ hetym vypadku astenija — nie pieršasnaje zachvorvańnie, a tolki pravakujučy faktar. A samyja častyja psichičnyja zachvorvańni, jakija abvastrajucca pad jaje ŭpłyvam, — nieŭroz i depresija. Tamu kali daśledavańni nie vyjavili pryčyny na fizičnym uzroŭni, varta naviedać psichijatra.

Nie błytajcie sa stomlenaściu.

Niaredka ludzi ličać prykmiety astenii zvyčajnaj stomlenaściu i nie robiać nijakich zachadaŭ dla jaje lačeńnia. Ale zvyčajnaja stomlenaść i astenija, choć i padobnyja pa prajavach, ale heta roznyja rečy. Pieršaja nastupaje zaŭsiody paśla fizičnych abo psichičnych nahruzak i źnikaje paśla adpačynku. Pry astenii takoha nie adbyvajecca. Siły nie źjaŭlajucca navat paśla praciahłaha paŭnavartasnaha adpačynku i kursa adnaŭlalnych pracedur nakštałt saŭny i masažu. Charakternaja asablivaść astenii, nie ŭłaścivaja zvyčajnaj stomlenaści, — stojkaje paharšeńnie pamiaci i źnižeńnie emacyjnaha fonu. Astenik pierastaje atrymlivać radaść ad čaho‑niebudź. Hetamu jość tłumačeńnie. Kali pry zvyčajnaj stomlenaści adbyvajecca źniasileńnie «chimičnych» enierhietyčnych zapasaŭ, jakija papaŭniajucca ź ježaj i adpačynkam, to pry astenii pryčyna znachodzicca ŭ parušeńni miechanizmaŭ niervovaj rehulacyi, jakija znachodziacca pierš za ŭsio ŭ hałaŭnym mozhu.

Samyja niebiaśpiečnyja pryčyny astenii

Virusny hiepatyt. Virusnaje zapaleńnie piečani ŭ 90 % vypadkaŭ prajaŭlajecca tolki asteničnym sindromam. Kali nie lačyć, pryvodzić da raku piečani.

Ankachvaroby. Astenija doŭha moža być adzinym simptomam pry raku nyrak, jaječnikaŭ, piečani, lohkich, a taksama raku kryvi — lejkozie. Kali vy znachodziciesia ŭ hrupie ryzyki (kurycie, svajaki chvareli na rak i h.d.), to vam nieabchodna kansultacyja doktara.

VIČ‑nośbictva. Virus imunadeficytu čałavieka niekalki hadoŭ moža davać pra siabie viedać tolki prykmietami astenii. Akramia taho, zapadozryć jaho prysutnaść u arhaniźmie možna pa častym zachvorvańni na prastudu, hierpies, hrybki.

Tubierkuloz. Zapaleńnie lohkich, akramia chvaravitaj stomlenaści, moža prajaŭlacca pakašlivańniem, pachudańniem, pavyšeńniem tempieratury da 37,2°S.

Cukrovy dyjabiet. Prykładna ŭ treci vypadkaŭ na pačatkovym etapie moža prajaŭlacca tolki astenijaj. Taksama mohuć niepakoić smaha, suchaść skury i častaje močaspuskańnie.

Praviercie siabie

Kali ŭ vas jość dźvie i bolš ź pieraličanych prykmietaŭ, to vam patrebna kansultacyja doktara pa pryčynie astenii:

l stomlenaść nie prachodzić paśla snu;

l stamlaje navat pryvyčnaja praca;

l rezka mianiajecca nastroj;

l vy «ŭskipajecie» pa drobiaziach;

l vy pastajanna ab čymści turbujeciesia;

l lubimyja spravy nie prynosiać radaści;

l časta balić hałava, myšcy, sustavy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?