Jak padajuć aŭstryjskija medyi, eks‑kiraŭnik aŭstryjskaha NAK i kolišni šef Casinos Austria Lea Valner byŭ vyklikany na čarhovy dopyt u prakuraturu.
Kali jaho finansavyja machinacyi ŭdasca davieści, jamu mohuć pahražać 10 hadoŭ źniavoleńnia. Akramia datyčnaści da stvareńnia sakretnaha rachunku Alimpijskaha nacyjanalnaha kamitetu Aŭstryi, ź jakoha ŭ 2002 hodzie apłačvalisia tyrolskija vakacyi biełaruskaha prezydenta Alaksandra Łukašenki i jahonaj śvity, Lea Valneru inkryminujucca i inšyja niezakonnyja hrašovyja aperacyi.
Siarod ich — abviaščeńnie bankrutam abjadnańnia pa padtrymcy Alimpijskich hulniaŭ — 2014. Jak viadoma, Zalcburh padavaŭ adpaviednuju zajaŭku na praviadzieńnie zimovaj Alimpijady, adnak u vyniku pieramoh rasiejski horad Sočy. Jak śviedčyć aŭstryjski žurnalist i spartovy ekspert Ervin Rot, mienavita Valner jak funkcyjaner NAK addaŭ zahad raspuścić abjadnańnie ŭ vyniku jaho bankructva. Rachunki na vialikija sumy (sotni tysiač eŭra) dahetul zastajucca nieapłačanymi. Pavodle Rota, Valner, chutčej za ŭsio, naŭmysna zaniziŭ pamiery aktyvaŭ abjadnańnia pa sadziejničańniu Alimpijadzie.
Aŭstryjskija naziralniki miarkujuć, što skandał vakoł «čornaj kasy» NAK nabiraje abaroty.
