Z kanviejera zavoda General Motors u amierykanskim Šryŭporcie (štat Łuizijana) syšoŭ apošni pazadarožnik marki Hummer. Paśla spynieńnia vytvorčaści aŭtamabilaŭ Hummer pradpryjemstva praciahnie vypusk Chevrolet Colorado i GMC Canyon.
U lutym kancern General Motors abviaściŭ ab pastupovym zhortvańni vytvorčaści aŭtamabilaŭ Hummer paśla zryvu ŭhody pa prodažy stratnaha brendu kitajskamu aŭtakancernu Sichuan Tengzhong. Pahadnieńnie ab prodažy Hummer było padpisanaje ŭ kastryčniku 2009 hodu, uhoda aceńvałasia ŭ 150 młn dalaraŭ. Pavodle jaje ŭmovaŭ, Sichuan Tengzhong nabyvaŭ brend i licenzii na vytvorčaść aŭtamabilaŭ i prymaŭ abaviazalnictvy pa damovach z dylerami Hummer, a taksama moh niekatory čas karystacca mahutnaściami amierykanskich zavodaŭ GM dla vytvorčaści mašyn hetaj marki. Ale pahadnieńnie pamiž GM i Sichuan Tengzhong nie adbyłosia — jaho nie ŭchvaliŭ kitajski ŭrad.
