Myta na impartavanyja aŭtamabili dla fizičnych asob u Biełarusi moža zachavacca na ciapierašnim uzroŭni z pravam prodažu mašyny raz na try hady. Kali niechta pažadaje pradavać čaściej, to budzie vymušany vypłacić myta pa staŭcy jak dla jurydyčnych asobaŭ.
Takaja prapanova zaraz abmiarkoŭvajecca krainami‑ŭdzielnicami Mytnaha sajuza (Biełaruś, Rasija, Kazachstan) i budzie razhladacca 21 traŭnia na ŭzroŭni kiraŭnikoŭ uradaŭ na pasiedžańni Miždziaržaŭnaj rady JeŭraAzES.
Pra heta paviedamlaje PRAJM‑TASS sa spasyłkaj na pradstaŭnika ekśpiertnaj hrupy adnoj z krain‑udzielnic pieramovaŭ.
Zaraz u Biełarusi fizičnyja asoby mohuć zavieźci aŭtamabil z vypłataj panižanych stavak myta raz na hod.
«U apošni čas pradstaŭniki mytnaha viedamstva Biełarusi nieadnarazova publična vykazvalisia na karyść zachavańnia dziejučaha pamieru stavak na aŭtamabili dla fizčnych asobaŭ, arhumientujučy heta tym, što hramadzianie krainy zmohuć dazvolić sabie žadany aŭtamabil, a ekanomika atrymaje ad hetaha dadatkovyja finansavyja patoki ad myta, prodažu bienzinu, pasłuh STA. Pry hetym biełaruski bok robić niekatory krok nasustrač Rasiejskaj Federacyi, prapanujučy dazvolić prodaž aŭtamabila fizasobam nie čaściej za raz na try hady»,‑‑ prakamientavaŭ hetyja prapanovy pradstaŭnik ekśpiertnaj hrupy.
Pytańnie myta na aŭtamabili dla fizičnych asob u miežach Mytnaha sajuza pavinna być vyrašana da 1 lipienia 2010 hoda. Adnak, jak paviedamlałasia raniej,
Dziaržaŭny mytny kamitet Biełarusi płanuje ŭrehulavać jaho ŭžo ŭ traŭni, zychodziačy ź intensiŭnaści idučych pieramovaŭ».
Takim čynam, biełaruski bok čakaje rašeńnia hetaha pytańnia 21 maja na pasiadžeńni Miždziaržrady JeŭrAzES — vyšejšaha orhana Mytnaha sajuza.
