U suviazi ź pieranosam pracoŭnaha dnia z paniadziełka 12 krasavika na subotu 17 krasavika, źmianiajecca i hrafik raboty arhanizacyj achovy zdaroŭja. Adpaviedny zahad padpisany ministram achovy zdaroŭja našaj krainy.

Tak, 10 krasavika ŭsie arhanizacyi achovy zdaroŭja buduć pracavać pa subotnim hrafiku raboty, 11 krasavika — pa hrafiku vychadnoha dnia. 12 krasavika balničnyja arhanizacyi achovy zdaroŭja, jakija majuć stacyjanarnyja łožki, buduć pracavać pa hrafiku pracoŭnaha dnia, a ambułatorna‑palikliničnyja arhanizacyi — pa subotnim hrafiku raboty.

13 krasavika va ŭsich arhanizacyjach achovy zdaroŭja budzie dziejničać śviatočny hrafik raboty.

Dla akazańnia miedycynskaj dapamohi nasielnictvu ŭ vychadnyja i śviatočnyja dni zahad Ministerstva achovy zdaroŭja pradpisvaje ŭzmacnić rabotu pryjomnych adździaleńniaŭ balnic, traŭmatałahičnych punktaŭ, adździaleńniaŭ intensiŭnaj terapii i reanimacyi vysokakvalifikavanymi śpiecyjalistami, a taksama zabiaśpiečyć administracyjnyja dziažurstvy ŭ śviatočnyja i vychadnyja dni va ŭpraŭleńniach achovy zdaroŭja, Kamitecie achovy zdaroŭja Minharvykankama, u padviedamasnych arhanizacyjach i doma rabotnikaŭ kirujučaha składu (hałoŭnych uračoŭ, dyrektaraŭ i ich namieśnikaŭ).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?