Biełaruskija miedyki abmiarkoŭvajuć mahčymaść admieny tatalnaha praviadzieńnia abśledavańnia na reakcyju Mantu ŭ dziaciej.

Pra heta na pres‑kanfierencyi 7 krasavika paviedamiła zahadčyca adździaleńnia imunaprafiłaktyki Minskaha haradskoha centra hihijeny i epidemijałohii Iryna Hlinskaja.

«Siońnia abmiarkoŭvajecca mahčymaść u nastupnym hodzie źmianić taktyku praviadzieńnia hetaha abśledavańnia. Jakoj jana budzie, zaraz iduć abmierkavańni. Mahčyma, abśledavańnie budzie pravodzicca tolki ŭ hrupach ryzyki abo dla asobnaj uzrostavaj katehoryi», — paviedamiła Hlinskaja.

Razam z tym jana zaznačyła, što «da kanca hetaha hoda situacyja nie źmienicca, usie dzieci projduć abśledavańnie na reakcyju Mantu, jak heta naležyć, adzin raz na hod».

Pytańnie ab novaj taktycy praviadzieńnia abśledavańniaŭ na reakcyju Mantu abmiarkoŭvajecca va ŭsich krainach SND i ŭ šerahu krain Jeŭropy, paviedamiła śpiecyjalist.

Proba Mantu — daśledavańnie napružanaści imunitetu da ŭzbudžalnika suchotaŭ z dapamohaj acenki reakcyi na śpiecyjalny preparat mikabakteryj tubierkulin. Pravodzicca ŭ dziaciej i padletkaŭ dla dyjahnostyki suchotaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?