1 krasavika ŭ staličnym kłubie «Reaktar» projdzie vialiki solny kancert rok‑hurtu «Niejra Dziubiel».

Jak paviedamiŭ lider hurta Alaksandr Kulinkovič, sa śviatam śmiechu i humaru praviadzieńnie kancerta supała vypadkova. Asnoŭnym siurpryzam, jaki rychtujuć muzykanty, stanie vykanańnie novych kampazicyj z alboma «Aŭtary praŭdy», što rychtujecca da vychadu. Pavodle słoŭ Kulinkoviča, da vychadu dyska novyja pieśni bolš vykonvacca nie buduć.

Nahadajem, novy albom «Niejra Dziubiel» płanuje vypuścić u vieraśni hetaha hoda. U jaho ŭvojduć pieśni jak na ruskaj, tak i biełaruskaj movach. Kažučy pra stylistyku dyska, Kulinkovič pažartavaŭ, što «albom budzie błazienskim». «Kali papiaredni albom Stasi byŭ brutalnym, ciažkim, to novy budzie padobny na amierykanski pank», — rastłumačyŭ jon.

Kancert 1 krasavika prymierkavany da 15‑hodździa pieršaha studyjnaha alboma hurtu «Umnyje vieŝi» («Razumnyja rečy»).

Pavodle słoŭ Kulinkoviča, padčas prahramy, jakaja zojmie 2,5 hadziny, muzykanty nie buduć rabić akcent tolki na pieśniach z hetaha alboma i vykanajuć kampazicyi roznych hadoŭ.

Apošni vialiki solny kancert «Niejra Dziubiela» adbyŭsia ŭ kancy listapada minułaha hoda i byŭ prymierkavany da 20‑hodździa kalektyvu. Nahadajem, hurt dvojčy, u 1998 i 2007 hadach, atrymlivaŭ hałoŭny pryz — «Rok‑karonu» — štohadovaj biełaruskaj premii ŭ śfiery alternatyŭnaj muzyki «Rok‑karanacyja».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?