Pavodle źviestak ftyzijatryčnaj słužby, kožny druhi chvory na suchoty vydzialaje bakteryi,

paviedamiŭ 23 sakavika na sieminary ŭ Minsku namieśnik dyrektara Respublikanskaha navukova‑praktyčnaha centra (RNPC) pulmanałohii i ftyzijatryi Aleh Kalečyc. Pavodle jaho słoŭ, heta nie aznačaje, što ŭ astatnich chvorych nie adbyvajecca vydzialeńnie bakteryj, ale śviedčyć pra bolš šyrokija mahčymaści dyjahnostyki.

U 2009 hodzie siarod vyjaŭlenych chvorych u Hrodzienskaj vobłaści vydzialalnikami bakteryj byli 64,3%, u Bresckaj — 39%, Viciebskaj — 49%, Homielskaj — 39,8%, Minskaj — 51,6%, Mahiloŭskaj — 44,9%, u Minsku — 58,6%.

Na pačatak 2010 hoda kolkaść chvorych na suchoty skłała 11.963,

ź ich 5.676 čałaviek ź`iaŭlalisia vydzialalnikami bakteryj (u 2009‑m — 11.204 i 5.409, u 2005‑m — 13.321 i 5.815).

Pry kašli, čchańni taki chvory vydzialaje bakteryi suchoty i za hod zdolny zarazić 12 zdarovych ludziej.

Kalečyc adznačyŭ, što ŭ krainie pavialičvajecca ŭdzielnaja vaha chvorych z množnaj lekavaj ustojlivaściu (MŁU) siarod chvorych, jakija ź`iaŭlajucca vydzialalnikami bakteryj. Kožny piaty (20,3%) siarod iznoŭ vyjaŭlenych chvorych pakutuje MŁU. U 2008 hodzie ich było 15,8%, u 2007‑m — 15,9%. Takaja tendencyja charakternaja dla bolšaści krain Jeŭropy, skazaŭ śpiecyjalist.

Bolš za pałovu nośbitaŭ bakteryj chvoryja na lekava ŭstojlivyja suchoty, pry hetym štohod suadnosiny źmianiajucca ŭ bok rostu chvorych z MŁU‑suchotami. Kali heta forma zachvorvańnia ŭ 2007 hodzie składała 40%, to ŭ 2008‑m — 45,1%, u 2009‑m — 49,7%.

Kalečyc padkreśliŭ, što

takija chvoryja ŭjaŭlajuć najbolšuju niebiaśpieku dla ludziej, bo zaražajuć formaj zachvorvańnia z MŁU, jakaja ciažka i praciahła lečycca.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?