Kab dzicia nie tolki rasło (padčas snu vyzvalajecca harmon rostu), ale i dobra zapaminała novuju infarmacyju, jano musić bolš spać.

Bo mienavita ŭ śnie adbyvajecca pierapracoŭka, abahulnieńnie i zapaminańnie infarmacyi. Navukoŭcy z Aryzonskaha ŭniviersiteta (ZŠA) jašče raz dakazali heta doślednym šlacham.

Chutki son - heta piataja stadyja snu, jakaja nahadvaje stan niaspańnia, choć čałaviek i znachodzicca ŭ poŭnaj nieruchomaści. Kali ŭ hety čas abudzić śpiačaha, to ŭ 90% vypadkaŭ možna pačuć apovied pra jarki son. Chutki son pierapynić ciažej, čym marudny. Miarkujuć, što chutki son zabiaśpiečvaje funkcyi psichałahičnaj abarony, pierapracoŭku infarmacyi, jaje abmien pamiž śviadomaściu i padśviadomaściu.

Daśledavańnie pravodziłasia z 48 dziećmi va ŭzroście 15 miesiacaŭ. Małym nieadnarazova prajhravali zapisy nievialikich prostych fraz na rodnaj movie, kab dzietki navučylisia ich paznavać. Paśla hetaha pravodzilisia śpiecyjalnyja psichałahičnyja testy. Jany pakazali, što dzieci, jakija paśla prasłuchoŭvańnia zapisaŭ spali ad 4 da 8 hadzin, lepš zapaminali pačutuju infarmacyju. Małyja, jakim spać paśla «lekcyj» nie davali, hetym pachvalicca nie mahli.

«My viedajem, što ŭ maleńkich dziaciej pieravažaje faza «chutkaha» snu; tak raźvivajecca ich mozh u pieryjad rostu. Kab dzieci zmahli zasvoić i abahulnić infarmacyju, paśla jaje atrymańnia im nieabchodny dastatkovy son. Kali dzicia nie zmoža paspać 4—8 hadzin paśla «ŭroka», to, mahčyma, jano stracić usiu infarmacyju», — kaža kiraŭnik daśledavańnia, prafiesar kafiedry psichałohii Lin Nejdeł.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?