Fota: hranica.BY

Fota: hranica.BY

Čerhi aŭtobusaŭ na biełaruska-polskaj miažy rastuć. Pavodle źviestak Pamiežnaha kamiteta Biełarusi, uviečary 10 krasavika vyjezdu ŭ Polšču adnačasova čakaje 40—50 aŭtobusaŭ.

Pa źviestkach vidavočcaŭ, čas čakańnia na miažy pieravyšaje sutki, a pieravozčyki pieranosiać abo admianiajuć mnohija rejsy: transpart prosta nie paśpiavaje viarnucca z papiaredniaha maršrutu. Tamu turysty rajać nie kuplać kvitki na rejsy ź biełaruskich haradoŭ u Polšču, a pierasiakać miažu pa inšaj schiemie, piša mostmedia.io.

Adrazu niekalki karystalnikaŭ pryhraničnych čataŭ napisali,

što žycharam Minska, Hrodna i inšych haradoŭ zaraz bolš vyhadna kupić bilet na ciahnik da Bresta, a tam uziać taksi da miažy i pieššu iści šukać miescy ŭ aŭtobusach napieradzie. Jak praviła, jany jość, i kiroŭcy za płatu kala 100 rubloŭ zhadžajucca brać na bort.

— Nie budzie miescaŭ u pieršych [aŭtobusach], budzie krychu dalej, ale srodki zekanomicie, — napisaŭ adzin z udzielnikaŭ čata Hranica.by.

Zvyčajna takim čynam možna dajechać da Varšavy, a adtul pry nieabchodnaści dabiracca da patrebnaha polskaha horada. Možna dajechać i da Tarespala, heta značyć vyjści prosta za miažoj. U adnaho z karystalnikaŭ čata za heta paprasili 35 rubloŭ. Da Varšavy ad miažy jamu prapanoŭvali dajechać za 120 rubloŭ, da Hdańska — za 150.

Kali ž kupić bilet na mižnarodny aŭtobus, to na miažy treba budzie vyrašyć: stajać 25 hadzin albo šukać miescy na rejsach, jakija znachodziacca napieradzie čarhi.

Pry druhim varyjancie kiroŭcy nie viartajuć hrošy za kvitok, tamu faktyčna turystam davodzicca płacić dvojčy. Pa padlikach udzielnikaŭ čata, bilet na ciahnik, taksi i apłata kiroŭcu na miažy abychodziacca značna tańniej.

Akramia taho, možna zahadzia pacikavicca ŭ pieravozčyka, ci pierasadžvaje jon pasažyraŭ biaspłatna ŭ svoj ža, jaki staić la miažy, aŭtobus. Niekatoryja kampanii zapuskali takija schiemy, kab skaracić čas u darozie dla svaich klijentaŭ.

Čytajcie taksama:

500 jeŭra za prajezd biez čarhi. Na polskaj miažy kvitnieje biznes pa abjeździe «kalejki»

Žychar Bresta paŭtara hoda pradavaŭ miescy ŭ čarzie na miažy. Pakul miesca nie kupili padatkovyja inśpiektary

Na vyjezd ź Biełarusi ŭ Polšču staić 500 lehkavikoŭ. I heta rekord

Клас
37
Панылы сорам
25
Ха-ха
8
Ого
4
Сумна
19
Абуральна
23