Źmicier Papoŭ i

Źmicier Papoŭ i jaho punkt charčavańnia «Try kuty». Skryn videa belsat_life / YouTube

Jak raspavioŭ «Biełsatu» biełarus Źmicier Papoŭ, va ŭłasnym biznesie jon z 1993-ha hoda. U Minsku jon zajmaŭsia arhanizacyjaj kancertaŭ, mastackich vystaŭ, stvareńniem mastackich halerej. U hetym jamu dapamahała žonka Volha Klip.

Pierajechaŭšy hod nazad u Varšavu z žonkaj i čatyrma dziećmi (usiaho ŭ hieroja ich šeść, ź ich starejšy syn — palitźniavoleny), pa słovach Źmiciera, jon zrazumieŭ, što praciahnuć dziejnaść u tym ža napramku lohka nie atrymajecca i vyrašyŭ siabie pasprabavać u niejkich inšych spravach.

Źmicier Papoŭ i

«Try kuty». Skryn videa belsat_life / YouTube

«U 52 hady ja zrazumieŭ, što nie tak lohka znajści sabie miesca, pracujučy na jakim možna zabiaśpiečyć svaju siamju. … Los mianie zanios na rynak. … Ja vyrašyŭ sumiaścić svaje byłyja viedy, stravy, jakija šmat hadoŭ hatavaŭ dla siabroŭ i znajomych, ź inšymi kuchniami i prydumaŭ takuju štuku jak «Trzy Rogi» («Try kuty»)», —

raskazvaje Źmicier i tłumačyć, što adkryŭ na rynku punkt, dzie hatuje tušanaje miasa z harodninaj pa receptach roznych krain śvietu. Tolki tušyć jon jaho nie ŭ harščočku, a ŭ śpiecyjalnym biezdraždžavym cieście.

Źmicier Papoŭ i

«Try kuty». Skryn videa belsat_life / YouTube

Pa słovach Źmiciera, recept jaho stravy prosty.

Narazajecca harodnina, miasa, dadajucca śpiecyi pa receptach roznych krain śvietu. Usio heta razam źmiešvajecca. Raskatvajecca ciesta. U jaho vykładvajecca sumieś u formie trochkutnika i zakryvajecca. Zatym źmiaščajecca na adnu hadzinu ŭ duchoŭku. Paśla pryhatavańnia zmazvajecca śmietankovym masłam.

Čytajcie taksama:

Biełarusy zasnavali ŭ Polščy amal 12 tysiač firmaŭ za apošnija paŭtara hoda

Biełarus zapuściŭ u Varšavie paśpiachovy biznes pa zborcy mebli. U Minsku jaho dzika źbili krasaŭcy

«U nas byli $3000, hultajavatyja rabočyja i šmat entuzijazmu». Biełarus buduje hatel u kratary vułkana ŭ Indaniezii

Клас
75
Панылы сорам
1
Ха-ха
2
Ого
0
Сумна
2
Абуральна
3