Ciońnia ranicaj 41-hadovy kiroŭca maršrutki Mercedes Brest — Hrodna na zakruhleńni darohi pablizu vioski Žyličy rabiŭ abhon.

Jon vyjechaŭ na pałasu sustrečnaha ruchu, dzie sutyknuŭsia z traktaram, jaki pavaročvaŭ naleva, paviedamlaje SK.

Na miesca zdareńnia vyjechali čatyry bryhady chutkaj dapamohi: dźvie fielčarskija i dźvie doktarskija z Hrodna i Mastoŭ.

U vyniku DTZ paciarpieli 10 čałaviek, ź ich dvoje dziaciej-padletkaŭ. Usie jany ahledžany miedykami i atrymali nieabchodnuju dapamohu na miescy. Dzieviać čałaviek z roznymi traŭmami dastaŭleny ŭ lačebnyja ŭstanovy Hrodna (univiersiteckuju kliniku, dziciačuju kliničnuju balnicu i BCHMD), Mastoŭskuju CRB.

Paciarpiełyja atrymali zakrytyja čerapna-mazhavyja traŭmy, pierałomy kaniečnaściej, nosa, a taksama ŭdary.

U stacyjanarach praciahvajecca akazańnie nieabchodnaj miedycynskaj dapamohi. Stan usich pacyjentaŭ rasceńvajecca jak stabilny, paviedamlaje Minzdaroŭja.

Śledčyja źviartajucca da vidavočcaŭ DTZ z prośbaj paviedamić najaŭnuju infarmacyju pa telefonach: (8-015-15) 3-78-34 i (8033) 370-43-18.

Čytajcie taksama:

Na trasie M1 kiroŭca mikraaŭtobusa zahinuŭ pry sutyknieńni z hruzavikom

U Mazyrskim rajonie aŭtobus sutyknuŭsia z hruzavikom. Zahinuła žančyna

U Dokšyckim rajonie buldozier pierajechaŭ mašynista

Клас
0
Панылы сорам
0
Ха-ха
0
Ого
2
Сумна
4
Абуральна
5