Pa viersii FSB, žančyna «ź lutaha 2022 hoda inicyjatyŭna ažyćciaŭlała zbory hrošaj u intaresach adnoj z ukrainskich arhanizacyj, jakija paśla nakiroŭvalisia na nabyćcio USU ​​pradmietaŭ taktyčnaj miedycyny, ekipiroŭki, srodkaŭ paražeńnia i bojeprypasaŭ», — piša Bi-bi-si.

Adnak pravaabarončy prajekt «Pieršy adździeł» paviedamlaje, što, pavodle jahonych dadzienych, Ksieniju Chavana abvinavačvajuć u tym, što 24 lutaha 2022 hoda jana pieraviała sa svajho rachunku ŭ amierykanskim banku sumu ŭ 51,8 dalara na rachunak ukrainskaha fondu «Razom for Ukraine».

Jak paviedamlajuć pravaabaroncy, 27 studzienia žančynu zatrymali supracoŭniki patrulna-pastavoj słužby i adpravili pad aryšt na 14 sutak za «drobnaje chulihanstva».

«Sa śpiecpryjomnika na volu Ksienija tak i nie vyjšła — 7 lutaha žančynu zatrymali ŭžo pa kryminalnaj spravie. Na nastupny dzień sud adpraviŭ Ksieniju pad vartu na dva miesiacy.

Artykuł 275 Kryminalnaha kodeksa («dziaržaŭnaja zdrada») praduhledžvaje pakarańnie ad 12 da 20 hadoŭ pazbaŭleńnia voli», — piša «Pieršy adździeł».

Raniej palitołah Fiodar Krašanińnikaŭ raspavioŭ, što ŭ jaho jość ahulnyja znajomyja z zatrymanaj. «Jana pryjechała da mamy z tatam — prosta pabačycca. Napeŭna, paru razoŭ padtrymlivała Ukrainu ŭ sacsietkach, moža niešta i źbirała tam», — pryvioŭ jon słovy adnaho ź ich.

Čytajcie taksama:

U Jekaciarynburhu FSB zatrymała hramadzianku ZŠA. Zaviali spravu ab dziaržzdradzie

«Heta nie našy prablemy, Hiena». U Jekaciarynburhu aśpiranta z Habona zabili pad ździeklivyja kamientary palicejskich

Na maci piaciarych dziaciej ź Ižeŭska zaviali kryminalnuju spravu za podpis «fašysty» pad vialikaj litaraj Z

Клас
0
Панылы сорам
2
Ха-ха
0
Ого
0
Сумна
0
Абуральна
8