U turmie, na 64-m hodzie žyćcia pamior były siabra Biełaruskaj sacyjał-demakratyčnaj partyi (Hramada), hramadski aktyvist i žurnalist Ihar Lednik, paviedamlajecca ŭ telehram-kanale partyi.

Ihar Lednik byŭ zatrymany 12 krasavika 2022 hoda i asudžany na try hady źniavoleńnia pa art. 367 (paklop na Łukašenku) za publikacyju ŭ partyjnym časopisie BSDP «Pazicyja».

U turmie stan zdaroŭja istotna pahoršyŭsia, jamu była zroblena apieracyja na straŭnikava-kišačnym trakcie. Aproč hetaha, Ihar mieŭ invalidnaść 2-j hrupy praz prablemu z sercam.

Profil Ihara Lednika ŭ fejsbuku byŭ pryznany «ekstremisckimi materyjałami».

Ihar Lednik aktyŭna vystupaŭ za likvidacyju Sajuznaj dziaržavy Biełarusi i Rasii i ličyŭ, što Budapiešcki miemarandum byŭ parušany ŭ Biełarusi paśla razhonu Viarchoŭnaha Savieta CHIII sklikańnia, što pryviało da ŭstalavańnia ŭ Biełarusi dyktatury, zbližeńnia jaje z Rasijaj i padryvu jeŭrapiejskaj biaśpieki ŭ rehijonie.

Heta piataja śmierć palitviaźnia ŭ kałonii. Raniej pamierli Vitold Ašurak, Mikałaj Klimovič, Aleś Puškin, Vadzim Chraśko.

Čytajcie taksama:

Leanid Sudalenka: Što my budziem rabić, kali adnojčy ranicaj daviedajemsia, što nobieleŭski łaŭreat Aleś Bialacki pamior u turmie?

Klijentami jaho firmy byŭ Nacbank, Minpracy. Što viadoma pra palitviaźnia Vadzima Chraśko, jaki pamior u kałonii

Aleś Puškin: jakim nasamreč byŭ hety niaskorany mastak, što im ruchała i čamu jon viarnuŭsia ŭ Biełaruś na pakuty

Клас
0
Панылы сорам
3
Ха-ха
0
Ого
2
Сумна
51
Абуральна
38