Andrej Koc Andriej Koc Andrey Kots

Andrej Koc. Fota: telehram-kanał BAZA

Pa danych «Bazy», vajskovaha karespandenta RIA Novosti Andreja Koca zatrymali jašče nočču 10 lutaha. Supracoŭniki palicyi spynili mužčynu na vulicy Dziekabrystaŭ u Maskvie. Jon prykmietna niervavaŭsia, tamu palicejskija vyrašyli jaho dahladzieć.

U žurnalista znajšli skrutak ź nieviadomym rečyvam. Jak paźniej pakazała ekśpiertyza, heta była marychuana. Jak vajenkar rastłumačyŭ śledčym, jon kupiŭ jaje tolki što i źniaŭ zakładku z tylnaha boku doma.

Jak piša «Baza», Kocu naŭrad ci pahražaje kryminalnaja sprava. Zhodna z rasijskim zakanadaŭstvam, dla hetaha patrebna bolš za šeść hramaŭ rečyva.

U skrutku ŭ žurnalista było tolki 2 hramy. Ciapier siłaviki šukajuć nieviadomaha, jaki pradaŭ žurnalistu marychuanu. Suprać jaho budzie zaviedzienaja kryminalnaja sprava za handal narkotykami.

Jak stała viadoma žurnalistam, Koca adpuścili. Sam ža mužčyna admoviŭsia kamientavać «Bazie» svajo zatrymańnie. «Nie razumieju, adkul vy ŭziali hetuju infarmacyju, nie budu kamientavać», — skazaŭ žurnalist.

Alaksandr i Andrej — dzieci savieckaha i rasijskaha žurnalista Ihara Koca, jaki byŭ namieśnikam hałoŭnaha redaktara «Rasijskaj haziety», a da hetaha pracavaŭ namieśnikam hałoŭnaha redaktara «Kamsamolskaj praŭdy» i 10 hadoŭ zajmaŭ pasadu hałoŭnaha redaktara haziety «Saviecki sport».

Čytajcie jašče:

Jakaja situacyja z narkotykami na froncie?

«Paśla ranieńnia ŭ im niešta nadłamałasia». Sasłužyŭcy pra biełaruskaha dobraachvotnika, zatrymanaha za narkotyki

Mask prakamientavaŭ infarmacyju, što jon užyvaje narkotyki

Kanopli: składanaja historyja staŭleńnia dziaržaŭ da ich

Клас
0
Панылы сорам
1
Ха-ха
12
Ого
1
Сумна
0
Абуральна
1