Dom, dzie žyła niaščasnaja siamja. Fota: vkurier.by

Dom, dzie žyła niaščasnaja siamja. Fota: vkurier.by

Hienieralny prakuror Andrej Švied raskazaŭ, što pryniać da vytvorčaści kryminalnuju spravu ab zabojstvie čatyroch dziaciej u Oršy było jaho rašeńniem, piša «Sputnik».

«Na minułym tydni adbyłasia trahiedyja ŭ Oršy, maci zabiła čatyroch ułasnych niepaŭnaletnich dziaciej va ŭzroście ad adnaho hoda da dzieviaci hadoŭ, ciapier Hienieralnaj prakuraturaj viadziecca rasśledavańnie hetaha aburalnaha faktu», — skazaŭ Andrej Švied.

Pavodle jaho słoŭ, prakuroram treba budzie razabracca va ŭsich abstavinach taho, što adbyłosia, ale jon nie maje prava vydavać padrabiaznaści spravy, pakul idzie śledstva.

«Jašče miesiac tamu było pryniata rašeńnie ab tym, kab hetuju siamju ŭ SNS (sacyjalna niebiaśpiečnaje stanovišča) pieravieści. Miesiac lažała rašeńnie biez vykanańnia. Viadoma, u hetym treba raźbiracca. Čamu tolki miesiac tamu, a nie hod, nie dva», — tak adkazaŭ Švied na pytańni deputataŭ, jakija tyčacca hetaj hučnaj spravy.

«Pryniali rašeńnie, a čamu nie realizavali, čamu hetaja maci nie mahła nakarmić hetych dziaciej?» — padkreśliŭ hienprakuror.

I peŭnyja słužbovyja asoby pra heta viedali, dadaŭ Andrej Švied.

Uviečary 14 lutaha ŭ adnym sa šmatkvaternych damoŭ Oršy byli vyjaŭlenyja cieły čatyroch dziaciej va ŭzroście ad adnaho hoda da vaśmi hadoŭ sa śladami zadušeńnia. Maci dziaciej zatrymali pa padazreńni ŭ zabojstvie. Jašče dvaich dziaciej vyratavała toje, što jany ŭ hety čas byli ŭ babuli.

Pa fakcie zabojstva Śledčy kamitet Biełarusi raspačaŭ kryminalnuju spravu pa č. 2 art.139 (zabojstva dvuch i bolš asob, ździejśnienaje ŭ dačynieńni da małaletnich) Kryminalnaha kodeksa. Paźniej spravu da vytvorčaści pryniała Hienprakuratura.

Čytajcie taksama:

Maci čatyroch dziaciej, zabitych u Oršy, pamierła ŭ balnicy

«Jaje vočy niemahčyma zabyć» — susiedka žančyny, što zadušyła ŭ Oršy čatyroch svaich dziaciej

Aršancy padzialilisia padrabiaznaściami pra siamju, u jakoj maci zabiła čatyroch dziaciej

Клас
2
Панылы сорам
6
Ха-ха
0
Ого
1
Сумна
1
Абуральна
5