Častka trasy, jakaja zakryvajecca na zimu. Fota: stop-kadr ź videa Rai News 24

Častka trasy, jakaja zakryvajecca na zimu. Fota: stop-kadr ź videa Rai News 24

U italjanskich Alpach spynili furhon z 24-hadovym biełarusam za rulom, jaki źbiraŭsia prajechać pa zakrytaj na zimu darozie, jakaja pieratvarajecca na chałodny siezon hoda ŭ častku łyžnaj trasy, piša sajt «Biełaruś i śviet».

Incydent adbyŭsia 12 lutaha na terytoryi kamuny Ła-Ciuil u aŭtanomnym rehijonie Vale-d'Aosta, na dziaržaŭnaj aŭtastradzie 26, jakaja idzie praź pieravał Pikała San-Biernarda na miažy Italii z Francyjaj.

Kala 17.30 karabinieram u Ła-Ciuili pastupiła infarmacyja, što pa łyžnaj trasie numar 7 raźmieščanaha tut harnałyžnaha kurorta «Espas San-Biernarda» ŭ napramku Francyi ruchajecca Renault Master šeraha koleru z polskimi numarami.

Kiroŭca, niahledziačy na prośbu supracoŭnikaŭ, jakija harantujuć biaśpieku ŭ zonach katańnia, spynić ruch i viarnucca, zamacavaŭ na kołach svajho transpartnaha srodku łancuhi supraćślizhańnia, kab praciahnuć šlach.

Spyniŭ jon mašynu, tolki kali na miesca prybyŭ patrul karabinieraŭ. Asobu mužčyny, jaki byŭ ćviarozy, vyśvietlili, a furhon, jaki pieravoziŭ tekstylnyja materyjały z usimi nieabchodnymi dakumientami, staranna ahledzieli.

U vyniku byŭ vypisany štraf 200 jeŭra za parušeńnie miascovaha zakona, jaki rehuluje vykarystańnie schiłaŭ na harnałyžnych kurortach. Vypłaciŭšy hrošy, kiroŭca adnaviŭ šlach u Francyju, ale hetym razam — praz Manbłanski tunel.

Čamu jon chacieŭ praciahvać ruch pa łyžnaj trasie, nieviadoma. Mahčyma, prosta nie zmoh pračytać na ščycie infarmacyju ab zakryćci hetaha ŭčastka darohi, nie razumieŭ, što jamu kažuć, razhubiŭsia, byŭ upeŭnieny ŭ pravilnaści maršrutu.

Čytajcie taksama:

U Hiermanii adzin biełaruski dalnabojnik pierajechaŭ inšaha

U Ispanii nakryli padpolnuju aŭtamajsterniu biełarusaŭ. U ich na rabskich umovach taksama pracavali biełarusy

«Mahčymaść pabačyć stolki ŭsiaho novaha — daloka nie va ŭsich prafiesijach». Kucharka z Hrodna piać hadoŭ pracuje dalnabojnicaj i dahetul u zachapleńni

Клас
4
Панылы сорам
5
Ха-ха
3
Ого
4
Сумна
1
Абуральна
2