Fota: BiełTA

Fota: BiełTA

Sud Iŭjeŭskaha rajona vynies prysud pa kryminalnaj spravie ab katavańni i naŭmysnym pryčynieńni mienš ciažkich cialesnych paškodžańniaŭ u dačynieńni da małaletniaha, piša BiełTA.

42-hadovaja žančyna ź lipienia pa vierasień katavała svajho paŭtarahadovaha syna. Jana fiksavała abutak dziciaci šrubami da padłohi i prymušała stajać u im (takuju paradu jana pabačyła ŭ tyktoku), źbivała, pazbaŭlała snu. Taksama ŭ stanie ałkaholnaha apjanieńnia, naŭmysna źbiła chłopčyka (nie mienš za 16 udaraŭ rukami pa roznych častkach hałavy i cieła).

14 vieraśnia chłopčyku stała drenna, jon straciŭ prytomnaść. Pa słovach abvinavačanaj, jana znajšła jaho na padłozie ŭ nienaturalnaj pozie blednym, vyrašyła, što jon padaviŭsia cackaj. Pa jaje słovach, dzicia nie dychała, tamu jana pačała treści jaho, plaskała pa ščokach, rabiła štučnaje dychańnie, plaskała pa śpinie. Dzicia zadychała. Jana zrazumieła, što ŭ chłopčyka padniałasia tempieratura, jana dała jamu leki. Adnak vyrašyła, što pavyšeńnie tempieratury vyklikana tym, što ŭ jaho rezalisia zuby.

Paśla pajšła da susiedziaŭ, kab paprasić pakłaści hrošy na telefon, kab źviazacca z mužam. Chutkuju dapamohu prasiła nie vyklikać. Viarnuŭšysia dadomu, žančyna znajšła syna biez dychańnia. Jana pasprabavała pryvieści jaho ŭ prytomnaść. Vyjaviŭšy, što ŭ horle dziciaci sabrałasia makrota, raspačała sprobu vyzvalić šlachi z dapamohaj dazatara dla lekaŭ. Paśla znoŭ dała leki synu i patelefanavała mužu, i tolki paśla hetaha vyklikała bryhadu chutkaj dapamohi. Dzicia špitalizavali, i jano paźniej pamierła.

Žančyna pazbaŭlenaja baćkoŭskich pravoŭ u dačynieńni da siemiarych dziaciej. Jana była ŭ šlubie, paśla pražyvała z sužycielem, ad jakoha byli narodžanyja dvoje dziaciej, u tym liku i pamierły chłopčyk.

Vinu žančyna nie pryznała. Joj było vystaŭlena abvinavačvańnie pa č. 2 art.154, č. 2 art. 149 KK.

Sud Iŭjeŭskaha rajona vynies nastupny prysud: piać hadoŭ kałonii sa štrafam 150 bazavych vieličyń (6000 rubloŭ).

Čytajcie taksama:

Jak skłałasia žyćcio chłopca, jakoha maci naradziła ŭ tualecie na panadvorku i kinuła. Jon sustreŭsia ź joju ŭ Małachava

«Navošta jaje ŭvohule pasadzili?» Łukašenka pra žančynu, jakaja atrymała 6 hadoŭ za zabojstva muža-ahresara

Paŭtara hoda biełaruskaja apieka namahałasia zabrać dzicia ŭ siamji ŭ Polščy

Клас
0
Панылы сорам
5
Ха-ха
0
Ого
1
Сумна
1
Абуральна
10