Pavodle SK, abvinavačanyja zavałodali hrašovymi srodkami, pieraličanymi za navučańnie dziaciej. «Faktyčna hrošy nie vykarystoŭvalisia pa metavym pryznačeńni, a vyvodzilisia na rachunki padkantrolnych subjektaŭ haspadarańnia», — piša SK. 

Ahulnaja škoda, pavodle SK, pieravysiła miljon rubloŭ. 

SK taksama piša, što ŭ 2020 — 2023 navučalnych hadach «Smart Skuł» aficyjna prymała na navučańnie nie bolš za 25 navučencaŭ 1—4 kłasaŭ, adnak u 2021-2022 navučalnym hodzie ŭ dadzienaj pryvatnaj škole biez faktu zaličeńnia va ŭstanovu navučałasia bolš za 600 dziaciej 1—11 kłasaŭ. 

«Im akazvalisia tolki kansultacyjnyja, repietytarskija pasłuhi vydalena z dapamohaj prahramy Zoom, a taksama dadzienaja dziejnaść ažyćciaŭlałasia ŭ pamiaškańniach, jakija nie adpaviadajuć sanitarna-epidemijałahičnym patrabavańniam. Takim čynam, značnaja kolkaść niepaŭnaletnich abaviazkovuju adukacyjnuju prahramu na ŭzroŭni ahulnaj siaredniaj adukacyi nie asvojvali na praciahu praciahłaha času», — ličyć SK. 

Abvinavačanym pahražaje ad troch da dziesiaci hadoŭ pazbaŭleńnia voli. 

Pryvatnaja škoła «Smart Skuł» trapiła ŭ naviny ŭ suviazi ź incydentam u 2022 hodzie. Tam chłopčyk humovym šarykam ź dziciačaha pistaleta trapiŭ dziaŭčyncy ŭ voka.

Pra zdareńnie publična havaryŭ Alaksandr Łukašenka. Jon skazaŭ, što daručyŭ razabracca ŭ tym, što adbyłosia, i «nieadkładna ŭvieści licenzavańnie škoł».

Škołu «Smart Skuł» chutka zakryli.

Čytajcie taksama:

Škoła polskaj movy PanProfesor spyniła pracu paśla vizitu siłavikoŭ

Ministr Ivaniec: U Biełarusi zastalisia šeść pryvatnych škoł

«Jany patrabujuć śpisy ŭsich klijentaŭ». Dyrektar polskich kursaŭ, kudy tydzień tamu pryjšli siłaviki, raskazaŭ pra składany maralny vybar

Клас
0
Панылы сорам
0
Ха-ха
0
Ого
0
Сумна
1
Абуральна
5