Fota: sky_fit.by / Instagram

Fota: sky_fit.by / Instagram

Lizaviecie Jučko 27 hadoŭ, niekalki hadoŭ tamu jana adkryła ŭ Minsku studyju fitnesa i raściažki Sky Fit. Spravy ŭ dziaŭčyny pajšli dobra, i chutka jana zdoleła adkryć filijał studyi, a taksama naniać novych trenierak. Akramia studyi, Lizavieta sprabavała raźvivać svoj błoh: vykładała fota z trenirovak, raskazvała pra pravilnaje charčavańnie i efiektyŭnyja praktykavańni. 

U červieni 2022-ha ŭ Lizaviety i jaje muža naradziŭsia syn David. Vyhladaje, što spačatku ŭsio było dobra: dziaŭčyna pisała ŭ instahramie, što «maciarynstva — heta nialohka i nie kožny moža stać maci, ale heta zusim inšaja luboŭ i ščaście». A potym Lizavieta raptam źnikła z sacsietak.

Fota: lizavolodko / Instagram

Fota: lizavolodko / Instagram

30 listapada 2022-ha padčas niepryjemnaj razmovy pa telefonie ŭ dziaŭčyny zdaryŭsia sardečny prystup, i paśla hetaha serca Lizaviety spyniłasia. Dziaŭčyna ŭ vyniku vyžyła, ale jaje mozh peŭny čas nie atrymlivaŭ kisłarodu, z-za čaho byŭ mocna paškodžany — daktary acharaktaryzavali heta jak «anaksičnaje paškodžańnie hałaŭnoha mozhu i posthipaksičnaja encefałapatyja ciažkaj stupieni». 

Na siońnia Lizavieta znachodzicca ŭ stanie małoj prytomnaści — tak nazyvajuć stan, kali čałaviek prajaŭlaje tolki asobnyja prykmiety taho, što jon paznaje siabie ci ludziej navokał. Dziaŭčyna prachodziła reabilitacyju ŭ Biełarusi, ale ŭ śniežni 2023-ha trapiła na lačeńnie ŭ Kliniku instytuta mozhu ŭ Jekacierynburzie, i taja reabilitacyja, jak pišuć u jaje sacsietkach, pryniesła stanoŭčy vynik.

Ciapier Lizaviecie źbirajuć srodki na reabilitacyju ŭ rasijskaj klinicy «Try siastry». Minimalnaja prahrama lačeńnia zajmaje dva miesiacy, košt miesiaca lačeńnia — 14 tysiač dalaraŭ. Svajaki Lizy spadziajucca, što dziaŭčyna zmoža całkam vyjści ŭ prytomnaść, samastojna prymać ježu i minimalna siabie absłuhoŭvać.

Čytajcie taksama:

Pamiatajecie, jak u Barysavie sabaki «zapuścili» aŭto? Voś što mahło być pryčynaj zdareńnia

Traŭmavanaha biełarusa źniali sa skały amal na samym krai śvietu

Biełarus vioz ź Litvy niezvyčajnuju harbatu i zaraz moža sieści na siem hadoŭ

Клас
3
Панылы сорам
2
Ха-ха
1
Ого
6
Сумна
109
Абуральна
7