«Ci jość niejkija vyraznyja praviły na hetuju temu?», — pacikaviŭsia adzin z kiroŭcaŭ. Pavodle jaho słoŭ, paśla amataraŭ pajeści ŭ sałonie zastajucca kroški, papierki, plamy ad tłušču i raźlitych napojaŭ. A jašče jon stamiŭsia vyčyščać z sałona žujku, kamiački jakoj časam mohuć być pryleplenyja ŭ samych niečakanych miescach.

Mižrehijanalnaja asacyjacyja pieravozčykaŭ (MAP) apytała kiroŭcaŭ z kampanij-partnioraŭ, vyśvietliłasia, što kala pałovy ź ich admoŭna staviacca da taho, kab pasažyry jeli ŭ sałonie.

«Taki pasažyr moža navat nienaŭmysna nakryšyć ci pakinuć tłustuju plamu. Na jaho miesca siadzie niechta inšy, sapsavać vopratku, chto budzie adkazvać? Viadoma, kiroŭca», — tłumačyć svaju pazicyju adzin ź pieravozčykaŭ.

Kala traciny kiroŭcaŭ ličać, što ŭsio zaležyć ad situacyi i prymać rašeńni nieabchodna ŭ kožnym kankretnym vypadku.

«Ad kubka kavy ci butelki haziroŭki, jakija čałaviek zachapiŭ u pajezdku, prablem nie budzie. Šakaładny batončyk abo nievialikaja bułačka taksama naŭrad ci dastaviać niazručnaść. A voś kali chtości zładzić zastolle, jak u ciahniku, naprykład, z «duchmianymi» praduktami ci śpirtnym, to adrazu ž spyniu, — kaža jašče adzin kiroŭca.

Pavodle jaho słoŭ, byŭ vypadak, kali pasažyr cikaviŭsia, maŭlaŭ, čamu niama skrynki dla śmiećcia, a to jamu niama kudy padzieć papiarovy stakančyk z-pad harbaty.

Mnohija kiroŭcy ličać, što dla chutkaha pierakusu całkam chapaje sanitarnaha prypynku. Čaściej za ŭsio maršrutki spyniajucca na zapraŭkach abo inšych abjektach prydarožnaha servisu.

«Kali chtości nie paśpiavaje, to pačakać 3-5 chvilin, pakul čałaviek dažuje chot-doh abo dapje kavu — nie krytyčna», — kaža jašče adzin kiroŭca.

Mierkavańnie pasažyraŭ: «Hałoŭnaje, kab nie mocna pachła»

Adzin z partnioraŭ MAP pravioŭ apytańnie siarod pasažyraŭ. Što cikava, ich mierkavańnie nie mocna adroźnivajecca ad bačańnia situacyi kiroŭcami.

Biaruć ježu ŭ pajezdku z saboj pastajanna kala 20% apytanych. Časam — 42%. Jašče adzin važny niuans tyčycca praciahłaści šlachu. 93% pasažyraŭ ličać, što ŭ doŭhuju pajezdku varta zachapić pierakus.

Usie pasažyry zajavili, što prybirajuć za saboj paśla ježy ŭ sałonie.

Darečy, a što jaduć ludzi ŭ pajezdkach? Čaściej za ŭsio ŭ pajezdku pasažyry biaruć napoi, šakaładnyja batončyki abo miuśli, a taksama sneki, arechi, sadavinu (banany i jabłyki) i lohki pierakus. Radziej akazvajecca termas z harbataj ci kava, a taksama buterbrody. Choć jość i tyja, chto nie suprać pierakusić chot-doham.

Spytali, ci nie pieraškadžaje ludziam ježa inšych pasažyraŭ u sałonie.

Nie pieraškadžaje ŭ 45% vypadku, jašče 28% adnaznačna suprać luboj ježy, astatnija ličać, što im moža pieraškodzić tolki mocna «duchmianaja» ježa. Da jaje adnosiać, naprykład, chot-dohi, kaŭbasu, čypsy i inšyja pradukty z mocnym pacham.

Što kažuć praviły?

U praviłach pasažyrskich pieravozak, darečy, niama dakładnaha adkazu na pytańnie, ci možna brać z saboj jedu ŭ sałon.

Ale tam paznačana, što pasažyr abaviazany nie pryčyniać svaimi dziejańniami škodu pasažyram, škodu ich bahažu i ručnoj pakłažy, a taksama sałonu i bahažnamu adsieku transpartnaha srodku.

Zrazumieła, kali čałaviek śmiecić i pakidaje plamy na abiŭcy, to heta parušeńnie, a mocny pach?

Zrešty, jość jašče adzin punkt na hetuju temu. Zhodna ź im, pasažyr abaviazany nie stvarać svaimi dziejańniami, stanam i pavodzinami niazručnaściaŭ inšym pasažyram i kiroŭcu.

Tak što kali kamuści pieraškadžaje žujučy susied, to całkam možna zaklikać jaho da paradku abo paprasić heta zrabić kiroŭcu.

Budziem vietlivymi!

Hałoŭny ž pryncyp spakojnaj pajezdki — heta nie tolki strohaje vykanańnie ŭsich praviłaŭ, ale i ŭzajemnaja vietlivaść. Darečy, sumiesna z tvorčym abjadnańniem «Adkryty ŭniviersitet» Mižrehijanalnaj asacyjacyjaj pieravozčykaŭ raspracavany dapamožnik «Kultura pasažyrskich pieravozak: haścinnaść, servis, etykiet kiroŭcaŭ i pasažyraŭ».

Heta svojeasablivaja pamiatka, jakaja raskazvaje, jak vystraić svaje pavodziny ŭ tych ci inšych situacyjach, jakaja dapamahaje zrabić pajezdku kamfortnaj, padniać nastroj i źbierahčy niervy.

Parady ŭ joj datyčacca i kiroŭcaŭ, i pasažyraŭ. Pa praviłach etykietu ŭ sałonie aŭtobusa ci maršrutki nie pryniata jeści. Ale kali tak užo chočacca pierakusić, to, mahčyma, varta pacikavicca ŭ susiedziaŭ, ci nie pieraškodzicie vy im.

Tym bolš, što bolšaść ź ich staviacca da situacyi łajalna: hałoŭnaje, kab u sałonie nie śmiecili i nie «atručvali» pacham.

Čytajcie taksama:

U Homieli niečakana pryznali «ekstremisckimi» resursy pra hramadski transpart biez palityki

Minskija ŭłady suprać, kab pasažyraŭ u maršrutkach pieravozili stojačy

Jechać, stajać ci sieści. Jak ułady abmiarkoŭvali z maršrutčykami novyja praviły pracy

Клас
7
Панылы сорам
2
Ха-ха
6
Ого
1
Сумна
0
Абуральна
0