Studzień byŭ davoli nasyčany ŭ płanie źjaŭleńnia technałahičnych navinak. Mnohija kampanii prezientavali novyja madeli hadžetaŭ, i šmat cikavostak było pakazana na vystavie CES (Consumer Electronics Show) u Łas-Viehasie — suśvietna viadomaj padziei, padčas jakoj prezientujuć najnoŭšyja technałahičnyja dasiahnieńni.
Zirniom na samyja cikavyja navinki — ad prazrystych televizaraŭ da miłych maleńkich robataŭ.
Smartfon Samsung Galaxy S24 Ultra
Fota: purepc.pl
U najbližejšyja 12 miesiacaŭ jon, vidać, stanie najlepšym u kłasie telefonaŭ Android. Tytanavaja rama, jakuju Samsung vykarystaŭ dla novaj madeli, jadnaje ŭ arhaničnaje cełaje ŭsie źniešnija detali telefona — dziakujučy čamu S24 Ultra vyhladaje i adčuvajecca navobmacak jak najlepšaja madel, jakuju vy tolki možacie zajmieć. Taksama sioletni Ultra maje šmat novych funkcyj na bazie štučnaha intelektu i madernizavanyja kampanienty čypseta, dyspleja i kamiery.
Noŭtbuk HP Omen Transcend 14
Fota: IDG / Matthew Smith
Samaje krutoje ŭ Omen Transcend 14 — heta nievierahodna lohki i partatyŭny korpus. Jaho vyšynia mienšaja za 18 mm, vaha — 1,3 kh, ekran 30 na 22,5 sm jašče bolš kampaktny, čym u Omen Transcend 16. Jość adzin port HDMI 2.1, dva nabory USB Type-A i Type-C, a taksama razdym dla navušnikaŭ.
Prazrysty televizar LG Signature Series T OLED
Foto: Digital Trends
LG anansavała całkam prazrysty biespravadny televizar.
OLED T — heta prosta prazrystaja panel, jakaja pakazvaje vam kantent, nie abciažarvajučy vašu prastoru hruvastkim i zmročnym čornym ekranam. Jak abiacaje kampanija, heta dapamoža stvaryć iluziju, što vaš pakoj bolšy, čym pry vykarystańni zvyčajnaha ekrana.
Smartfon OnePlus 12
Fota: vopmart.com
OnePlus 12 maje toje, čaho nie było ŭ jaho papiarednika, — biespravadnuju zaradku, pavialičanuju bazavuju pamiać i vialikuju batareju. Na piaredniaj paneli mieścicca 17-santymietrovy dysplej QHD+ ź jarkaściu da 4500 nit pry pramym soniečnym śviatle. Taksama ŭ smartfona jość udaskanalenaja sistema astudžeńnia, jakaja zabiaśpiečvaje lepšuju i stabilnuju pracu padčas intensiŭnych zadač, takich jak hulni i redahavańnie videa.
Partatyŭnaja kansol MSI Claw
Foto: gry-online.pl
MSI Claw — heta partatyŭny kampjutar na bazie Windows 11, jaki zaklikany skłaści kankurencyju inšym pryładam hetaha typu na rynku — Steam Deck, ASUS ROG Ally i Lenovo Legion GO. Choć jon vyhladaje vielmi padobnym, jość toje, što adroźnivaje jaho ad troch zhadanych vyšej. U jaho asnovie lažać kampanienty Intel, novyja pracesary Core Ultra i hrafičnyja čypy ARC 5. Važyć madel 675 h.
Hulniavyja palčatki Palmplug One
Foto: Isabel Rubio / english.elpais.com
Palmplug — heta pryłada, jakaja daje karystalnikam realistyčnyja taktylnyja adčuvańni ŭ videahulniach. Kali vy bačycie vyjavu aŭtamabila ŭ virtualnaj realnaści i praciahniecie ruku dy dakranieciesia da jaho, to sapraŭdy možacie adčuć vibracyju. Ci vy možacie pakłaści ruku na VR-vyjavu biahučaj vady i adčuć jaje vilhać. Kažuć, što pryłada taksama moža dapamahčy pacyjentam ŭ reabilitacyi paśla insultu.
Čachły dla kansoli PlayStation 5 Slim i hiejmpad DualSense
Fota: Mariel Myers / CNET
Novaja PlayStation 5 Slim užo vyhladaje nastolki dobra, što try novyja čachły dla kansoli — heta prosta višańka na torcie. Ale što vam napraŭdu spadabajecca, dyk heta biespravadny hiejmpad DualSense. Jon prapanuje realistyčnyja sensarnyja efiekty i ŭbudavany mikrafon — usio heta intehravana ŭ kultavy dyzajn.
Televizar jak tvor mastactva C-Seed N1 Folding MicroLED TV
Masiŭny 3,5-mietrovy televizar microLED 4K składvajecca ŭ paralelepipied i takim čynam pieratvarajecca ŭ tvor sučasnaha mastactva ŭ vašaj haścioŭni. Pry košcie ŭ 220 tysiač dalaraŭ heta samy daloki pradukt ad masavaha rynku.
Robat Bali ad Samsung
Paśla pakazu pieršapačatkovaha pratatypa čatyry hady tamu kampanija Samsung narešcie aficyjna prezientavała svajho novaha miłaha robata Bali.
Hety čaroŭny maleńki pradmiet, padobny da futbolnaha miača, pazicyjanujecca jak «vaš sapraŭdny kampańjon sa štučnym intelektam» i moža šmat: ad prajecyravańnia vizualnych malunkaŭ na ścianu da taho, kab uklučać i vyklučać śviatło.
Prajektar LG CineBeam Qube 4K
Fota: lg.com
Apošni 4K-prajektar LG — CineBeam Qube — pazicyjanujecca jak «stylny aksiesuar dla interjeru». Jon pavinien naturalna spałučacca z dekoram pakoja dziakujučy svajmu tonkamu i strymanamu dyzajnu. Ručka, što krucicca na 360 hradusaŭ, nadaje prajektaru sučasny vyhlad. Pry vazie ŭsiaho ŭ paŭtara kiłahrama jon taksama davoli partatyŭny.
Akulary virtualnaj realnaści XReal Air 2 Ultra
Fota: us.shop.xreal.com
U adroźnieńnie ad daražeznych Vision Pro ad Apple za 3500 dalaraŭ, XReal Air 2 Ultra kaštujuć usiaho 700. U dadatak da hetaha jany davoli stylova vyhladajuć — dziakujučy tytanavaj apravie i sučasnamu dyzajnu ŭ styli ŭniseks. Apošniaja madel hałoŭnym čynam aryjentavanaja na prastoravyja vyličeńni. Jana zabiaśpiečvaje vyznačeńnie miescaznachodžańnia ŭ realnym časie, a taksama daje kartahrafičnuju infarmacyju.
Vyhnuty ekran Alienware's AW3225QF QD-OLED
Fota: Digital Trends
Miakki vyhnuty ekran Alienware AW3225QF — sama daskanałaść. Jon prosta najlepšy z punktu hledžańnia pamieru, pradukcyjnaści i jakaści. Heta vyhnuty ekran z častatoj abnaŭleńnia da 240 Hc i razroźnieńniem 4K, 3840 x 2160. Zajaŭleny čas vodhuku składaje 0,03 ms, što typova dla bolšaści ekranaŭ OLED.
Čytajcie taksama:
Niama «najlepšaha», jość tolki «jašče lepšy». Na Tajvani vyrablajuć dyspłei novych typaŭ
Apple upieršyniu abahnała Samsung pa prodažach smartfonaŭ
Z ChatGPT aficyjna źniali abmiežavańnie na prymianieńnie ŭ vajskovych metach
Kampanija Maska ŭpieršyniu ŭžyviła mikračyp u mozh čałavieku
Vyvučeńnie snoŭ: navukoŭcy adkryvajuć novyja kanały suviazi sa śpiačymi ludźmi
