Stratnyja arhanizacyi ŭ Biełarusi praciahvajuć sychodzić u minus, havorycca ŭ apublikavanym dakładzie namieśnika staršyni praŭleńnia Nacbanka Dźmitryja Kalečyca, piša «Sputnik».

Namieśnik staršyni kanstatuje, što ŭ takich pradpryjemstvaŭ raście čystaja strata. «Aściarohi vyklikaje niekatoraje paharšeńnie finansavaha stanovišča pradpryjemstvaŭ realnaha siektara ekanomiki. Źniziŭsia prybytak jak u realnym, tak i ŭ naminalnym vyražeńni», — adznačyŭ Kalečyc.

Jon źviarnuŭ uvahu i na źnižeńnie rentabielnaści prodažaŭ i pradukcyi ŭ cełym pa realnym siektary. Akramia taho, pradstaŭnik Nacbanka ŭkazaŭ na zanadta vialiki abjom kredytavańnia pradpryjemstvaŭ ź dziaržpadtrymkaj. U 2020-2023 hadach takoje kredytavańnie skłała ad 3 da 4,5% da VUP krainy.

«Patencyjny navies, vyklikany najaŭnaściu abaviazacielstvaŭ, z absłuhoŭvańniem jakich nie spraŭlajucca dziaržpradpryjemstvy, jakija majuć ich, na pačatak 2023 hoda składaŭ kala 11,4% da VUP», — adznačajecca ŭ dakładzie.

U kredytnym partfieli jurydyčnych asob, jak ličyć Kalečyc, pakul jašče niamała ryzyk. Pryčyna — niedastatkovyja efiektyŭnaść i rentabielnaść značnaj kolkaści niefinansavych arhanizacyj.

«Tut dola nieabsłuhoŭvanych aktyvaŭ skłała 8,3%, pavialičyŭšysia na 1,1% za 2023 hod», — adznačyŭ namieśnik staršyni.

Čytajcie taksama:

Dziasiatki biełaruskich top-biznesmienaŭ prahareli na dziaržaŭnych ablihacyjach. Viarnuć hrošy zmoh tolki siabar Pucina

U Biełarusi źjavilisia strachoŭki ŭ juaniach

U Nacbanku raskazali, pa jakich prykmietach buduć błakavać padazronyja płaciažy

Клас
1
Панылы сорам
2
Ха-ха
3
Ого
0
Сумна
0
Абуральна
0