Udzielniki kalektyvu siońnia byli zatrymanyja ŭ hateli na Pchukiecie paśla taho, jak napiaredadni adyhrali tam vialiki kancert. Farmalnaja pryčyna — adsutnaść u kalektyvu dazvołu na pracu. Ale kalektyŭ «Bi-2» viadomy svajoj antyvajennaj pazicyjaj. A Lova «Bi-2» (sapraŭdnaje imia Jahor Bortnik) pryznany rasijskim Miniustam «zamiežnym ahientam».

Jak raspavioŭ kanału «MO» naviedvalnik kancerta, «sam vystup u zale Illuzion Phuket prajšoŭ hładka i dobra, bieź incydentaŭ, było poŭna narodu — poŭnaja zała».

Žychar Pchukieta, rasijski pradziusar Uładzimir Voranaŭ u hutarcy z «MO» zaŭvažyŭ:

«Napeŭna chtości nastukaŭ. Kali ŭ ich i praŭda nie było dazvołu na pracu, to nie dziva, što aryštavali. Ale heta vialiki hurt, usie viedali pra kancert, rekłamy było poŭna».

U studzieni na Pchukiet byli admienienyja vystupy komikaŭ Rusłana Biełaha i Maksima Hałkina — tam sprava nie dajšła navat da kancertaŭ, niahledziačy na šyrokuju rekłamu.

Jak vyśvietliŭ «MO», usie hetyja vypadki źviazany z kampanijaj suprać artystaŭ z antyvajennaj pazicyjaj, jakuju viadzie pasolstva Rasii ŭ Tajłandzie, a mienavita — Hienieralny konsuł Rasii ŭ Pchukiet Uładzimir Sasnoŭ. 

Pradstaŭnictva Rasii na vostravie było z pompaj adkryta ŭ minułym hodzie asabista ministram zamiežnych spraŭ Siarhiejem Łaŭrovym.

Tajłand dahetul z pašanaj prymaje kiraŭnika MZS RF i nie dałučyŭsia ni da jakich sankcyj suprać Rasii.

Čytajcie taksama:

Rasijski pieršy kanał znajšoŭ zamienu Maksimu Hałkinu ŭ dziciačym šou. Heta ŭkrainka, jakaja admoviłasia ad hramadzianstva

U Kazachstanie «pa techničnych pryčynach» admianili kancerty Hałkina. Artyst kazaŭ, što jaho vystupam tut pieraškadžajuć na dziaržaŭnym uzroŭni

Kančatkova admianili brescki kancert kamandy KVZ «Ujezdnyj horod». Niama cikavaści

Клас
3
Панылы сорам
12
Ха-ха
4
Ого
0
Сумна
0
Абуральна
35